- కలెక్టర్ రాహుల్ రాజ్
మెదక్టౌన్, వెలుగు: జిల్లాలో సర్పంచ్ఎన్నికల నామినేషన్ల ప్రక్రియ సజావుగా నిర్వహించాలని కలెక్టర్రాహుల్రాజ్అధికారులకు సూచించారు. శుక్రవారం హవేలీ ఘనపూర్ మండల కేంద్రంలోని ఎంపీడీవో ఆఫీసులో ఏర్పాటు చేసిన నామినేషన్ కేంద్రాన్ని పరిశీలించి అధికారులకు పలు సూచనలు చేశారు.
కలెక్టర్మాట్లాడుతూ.. నామినేషన్ కేంద్రాల వద్ద క్రమశిక్షణ, శాంతియుత వాతావరణం ఉండేలా చూడాలన్నారు. మొదటి విడత నామినేషన్లకు 29వ తేదీ చివరి రోజు కావడంతో అభ్యర్థులు ఎక్కువగా నామినేషన్లు వేసే అవకాశం ఉంటుందన్నారు. అందుకు తగిన ఏర్పాట్లు చేయాలని సూచించారు. కార్యక్రమంలో తహసీల్దార్ సింధు రేణుక, రిటర్నింగ్ అధికారులు పాల్గొన్నారు.
అభ్యర్థులు కొత్త అకౌంట్ ఓపెన్ చేయాలి
ఎన్నికల్లో పోటీ చేసే అభ్యర్థులు తప్పనిసరిగా కొత్త బ్యాంక్ అకౌంట్ ఓపెన్చేయాలని కలెక్టర్రాహుల్రాజ్చెప్పారు. క్యాంపు ఆఫీసులో అడిషనల్ కలెక్టర్ నగేశ్, అధికారులతో కలిసి ఎంపీడీవోలు, ఆర్వోలు, ఏఆర్వోలకు గూగుల్ మీట్సమావేశం నిర్వహించి పలు సూచనలు చేశారు.
కలెక్టర్మాట్లాడుతూ.. అభ్యర్థులకు సంబంధించిన నామినేషన్ పత్రాలను క్షుణ్ణంగా పరిశీలించాలన్నారు. ఏవైనా సర్టిఫికెట్లు మిస్సయితే చివరి రోజు వరకు తప్పకుండా అందించాలన్నారు. సమావేశంలో డీపీవో యాదయ్య, జడ్పీ సీఈవో ఎల్లయ్య, డీఎస్వో రాజిరెడ్డి పాల్గొన్నారు.
