గద్వాల టౌన్, వెలుగు : రాష్ట్ర స్థాయి ఉపన్యాస పోటీల్లో ఫస్ట్ ప్రైజ్ సాధించిన స్టూడెంట్ ను కలెక్టర్ సంతోష్ అభినందించారు. టీ షాట్, తెలంగాణ రాష్ట్ర గెజిటెడ్ హెచ్ఎంల సంఘం ఆధ్వర్యంలో గురువారం రాష్ట్ర స్థాయి ఉపన్యాస పోటీలు నిర్వహించారు. ఈ పోటీల్లో రాష్ట్ర వ్యాప్తంగా 33 జిల్లాల నుంచి విద్యార్థలు పాల్గొన్నారు.
గద్వాల జిల్లా మల్దకల్ మండలం అమరవాయి గ్రామానికి చెందిన విద్యార్థి కేశవర్ధన్ పాల్గొని ప్రతిభ కనబర్చి ఫస్ట్ ప్రైజ్ కైవసం చేసుకున్నాడు. శుక్రవారం కలెక్టరేట్లో స్టూడెంట్ ను కలెక్టర్ అభినందించారు. కార్యక్రమంలో పాఠశాల హెచ్ఎం నరేశ్, గౌడ్ టీచర్ అనిత తదితరులు ఉన్నారు.
