ఖమ్మం, వెలుగు: ఖమ్మం జిల్లా కూసుమంచి మండలం నేలపట్ల సర్పంచ్ భర్తపై కలెక్టర్ వీపీ గౌతమ్ ఆగ్రహం వ్యక్తం చేశారు. ఆదివారం నేలపట్ల జడ్పీ స్కూల్లో ప్రత్యేక ఓటరు నమోదు కార్యక్రమాన్ని పరిశీలించారు. స్కూల్ ఆవరణలోని క్రీడా ప్రాంగణంలో గడ్డి, పిచ్చి మొక్కలు పెరగడం చూసి సీరియస్ అయ్యారు. సిబ్బంది లేకపోతే గడ్డి ఎలా తీస్తామని సర్పంచ్ భర్త శ్రీను సమాధానమిచ్చారు.
అతను సర్పంచ్ భర్త అని అధికారులు చెప్పడంతో..‘ యూజ్ లెస్ ఫెలో నువ్వెందుకు వచ్చావ్’ అంటూ కోపగించుకున్నారు. అక్కడి గడ్డి, పిచ్చి మొక్కలను కలెక్టర్తో పాటు అడిషనల్ కలెక్టర్ మధుసూదన్ తొలగించి చూపించారు. తర్వాత సర్పంచ్ ధనమ్మ అక్కడికి రాగా ఎప్పటికప్పుడు పరిసరాలను శుభ్రంగా ఉంచాలని సూచించారు. విధుల పట్ల నిర్లక్ష్యంగా ఉన్న సెక్రటరీని సస్పెండ్ చేయాలని అధికారులను ఆదేశించారు.
