- కాంగ్రెస్ నేత నీలం మధు
పటాన్చెరు, వెలుగు: మహిళా విద్యకు మార్గదర్శకుడు ఫూలే అని కాంగ్రెస్ మెదక్ పార్లమెంట్ ఇన్చార్జి నీలం మధు అన్నారు. శుక్రవారం మహాత్మా జ్యోతిరావు ఫూలే 135వ వర్ధంతి సందర్భంగా పటాన్చెరు మండలం చిట్కుల్‌లోని తన నివాసంలో ఆయన ఫొటోకు పూలు అర్పించి నివాళులర్పించారు.
ఈ సందర్భంగా మధు మాట్లాడుతూ.. కులవ్యవస్థకు వ్యతిరేకంగా పోరాడి, అణగారిన వర్గాల హక్కుల కోసం జీవితాంతం కృషి చేసిన మహనీయుడు ఫూలే అన్నారు. మహిళా విద్య, బడుగు వర్గాల అభ్యున్నతి కోసం ఫూలే దంపతులు స్థాపించిన సత్యశోధక్ సమాజ్ అంటరానితనం, కులవ్యవస్థ నిర్మూలనకు కారణమైందని పేర్కొన్నారు. ఫూలే చూపిన మార్గం నేటికీ సమాజానికి ఆదర్శమని ఆయన అభిప్రాయపడ్డారు. కార్యక్రమంలో కాంగ్రెస్ నాయకులు అజ్జు, వంశీ, గణేశ్ పాల్గొన్నారు.
