కొమురవెల్లి, వెలుగు: కొమురవెల్లి మల్లన్న ఆలయ ఉత్సవ కమిటీ ఏర్పాటుపై జనగామ వ్యవసాయ మార్కెట్ కమిటీ చైర్మన్ బనక శివరాజ్ యాదవ్, చేర్యాల వ్యవసాయ మార్కెట్ కమిటీ చైరపర్సన్నల్లనాగుల శ్వేత హర్షం వ్యక్తం చేశారు. శుక్రవారం కొమురవెల్లిలో కాంగ్రెస్ మండల అధ్యక్షుడు మహాదేవుని శ్రీనివాస్ అధ్యక్షతన జరిగిన సమావేశంలో వారు మాట్లాడుతూ.. డిసెంబర్ 14న జరిగే స్వామివారి కల్యాణం, అనంతరం జాతర వేడుకలను దృష్టిలో పెట్టుకొని ప్రభుత్వం ఉత్సవ కమిటీని నియమించిందన్నారు. ప్రస్తుత ట్రస్ట్ బోర్డు పదవీకాలం డిసెంబర్ 6తో ముగుస్తుండడంతో పాటు ఇదే సమయంలో స్థానిక ఎన్నికలు ఉండడం వల్ల కొత్త ట్రస్ట్ బోర్డు ఏర్పాటు సాధ్యం కాక ఉత్సవ కమిటీ ఏర్పాటుకు నిర్ణయం తీసుకున్నారన్నారు.
కొత్త కమిటీలో ఇద్దరు ఓసీ, ఇద్దరు ఎస్సీ, 8 మంది బీసీ వర్గానికి చెందిన వారు ఉన్నారని అందులో తొలిసారిగా గొల్ల, -కురుమ వర్గాలకు ఐదు స్థానాలు లభించాయన్నారు. కొత్త కమిటీని ఏర్పాటు చేసినందుకు సీఎం రేవంత్ రెడ్డి, మంత్రులు కొండా సురేఖ, వివేక్ వెంకటస్వామి, పొన్నం ప్రభాకర్, నియోజకవర్గ ఇన్చార్జి కొమ్మూరి ప్రతాప్ రెడ్డికి కృతజ్ఞతలు తెలిపారు. కార్యక్రమంలో నాయకులు మల్లేశం, మహేశ్, ప్రవీణ్, రవి, నర్సిరెడ్డి, లక్ష్మీనారాయణ, బుచ్చిరెడ్డి, మల్లారెడ్డి, యాదగిరి, లింగం, కనకరాజ్, శ్రీనివాస్, రాజు, మురళి, కిరణ్, వంశీ, శ్రీనివాస్, రమేశ్, ప్రశాంత్ పాల్గొన్నారు.
