మోపాల్, వెలుగు : జీపీ కార్మికుల సమస్యలను వెంటనే పరిష్కరించాలని సీపీఎం జిల్లా కార్యదర్శి రమేశ్బాబు డిమాండ్ చేశారు. గురువారం మోపాల్ లోని ఎంపీడీవో ఆఫీస్వద్ద నిరసన వ్యక్తం చేస్తున్న కార్మికులకు సంఘీభావం తెలిపారు. అనంతరం కార్మికులు ర్యాలీ నిర్వహించి, అంబేడ్కర్ విగ్రహానికి వినతిపత్రం అందజేశారు. రమేశ్బాబు మాట్లాడుతూ.. సమస్యలు పరిష్కరించేవరకు పోరాటం కొనసాగిస్తామన్నారు. సీఐటీయూ జిల్లా కార్యదర్శి నూర్జహాన్, లీడర్లు ధర్మానంద్, ప్రదీప్, శ్రీనివాస్పాల్గొన్నారు.
భిక్కనూరు : భిక్కనూరు మండలంలోని18 పంచాయతీల్లో పనిచేస్తున్న జీపీ కార్మికులు, తమ సమస్యలు పరిష్కరించాలని కోరుతూ చేపట్టిన నిరవధిక దీక్ష 8వ రోజుకు చేరింది. గురువారం జీపీ కార్మికులు కళ్లకు గంతలు కట్టుకొని వినూత్నంగా నిరసన తెలిపారు. కారోబార్ల సంఘం స్టేట్ కోశాధికారి పిల్లి యాదగిరి మాట్లాడుతూ.. ప్రభుత్వం జీపీ కార్మికుల పట్ల నిర్లక్ష్యంగా వ్యవహరిస్తుందన్నారు. కారోబార్లను వెంటనే పర్మినెంట్ చేయాలని, పీఎఫ్, ఈఎస్ఐ సౌకర్యం కల్పించాలని డిమాండ్ చేశారు.
నవీపేట్ : జీపీ కార్మికుల న్యాయమైన డిమాండ్లను పరిష్కరించాలని బీజేపీ రాష్ట్ర నాయకులు వడ్డీ మోహన్ రెడ్డి డిమాండ్ చేశారు. గురువారం నవీపేటలో జీపీ కార్మికుల సమ్మెలో పాల్గొని సంఘీభావం తెలిపారు. అనంతరం కార్మికులకు భోజన ఏర్పాట్లు చేశారు. ఎంపీటీసీ రాధ, సొసైటీ డైరెక్టర్ బాల గంగాధర్ పాల్గొన్నారు. నవీపేటలో ప్రైవేట్కూలీలతో పారిశుద్ధ్య పనులు చేయిస్తుండగా సీఐటీయూ నాయకులు అడ్డుకున్నారు. సంఘం జిల్లా ఉపాధ్యక్షుడు శ్రీనివాస్ మాట్లాడుతూ కార్మికుల సమస్యలు పరిష్కరించకుండా, ఇతర కూలీలతో పనులు చేయించడం సరికాదన్నారు.
