బంగాళాఖాతంలో బలహీనపడ్డ దిత్వా తుఫాన్ తీవ్ర వాయుగుండంగా మారింది.. నైరుతి బంగాళాఖాతం, దానికి అనుకోని ఉన్న ఉత్తర తమిళనాడు, పుదుచ్చేరి తీర ప్రాంతంలో తీవ్ర వాయుగుండం ఏర్పడింది. వాయుగుండం తీరానికి సమాంతరంగా ప్రయాణిస్తున్నట్లు తెలిపింది వాతావరణ శాఖ. చెన్నైకి 140 కిలోమీటర్ల దూరంలో, పుదుచ్చేరికి 90 కిలోమీటర్ల దూరంలో తుఫాను కేంద్రీకృతమైందని తెలిపింది వాతావరణ శాఖ. తమిళనాడు, పుదుచ్చేరి తీర ప్రాంతాల నుంచి 80 కిలోమీటర్ల దూరంలో తీవ్ర వాయుగుండం ఏర్పడినట్లు తెలిపింది వాతావరణ శాఖ.
వాయుగుండం ఉత్తర దిశగా ప్రయాణిస్తూ రేపు ఉదయానికి ( నవంబర్ 30 ) వాయుగుండం మరింత బలహీనపడే అవకాశం ఉందని తెలిపింది వాతావరణ శాఖ. ఈ క్రమంలో రేపు తిరుపతి, నెల్లూరు జిల్లాల్లో భారీ వర్షాలు కురిసే అవకాశం ఉందని తెలిపింది వాతావరణ శాఖ. భారీ వర్షాల పట్ల ప్రజలు అప్రమత్తంగా ఉండాలని.. అత్యవసరమైతే తప్ప బయటికి వెళ్లోద్దని సూచించింది వాతావరణ శాఖ.
ఇదిలా ఉండగా.. తెలంగాణలోని నాలుగు జిల్లాలకు భారీ వర్ష సూచన చేసింది వాతావరణశాఖ. నవంబర్ 30న ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో భారీ వర్షాలు, డిసెంబర్ 1న భద్రాద్రి కొత్తగూడెం, ఖమ్మం, నల్గొండ, సూర్యాపేట జిల్లాల్లో భారీ వర్షాలకు అవకాశం ఉందని తెలిపింది. ఈరోజు,రేపు ఎల్లుండి రాష్ట్రంలోని కొన్నిజిల్లాలలో తేలికపాటి నుంచి మోస్తారు వర్షాలు దక్షిణ తూర్పు జిల్లాలలో అక్కడక్కడ కురిసే అవకాశం ఉందని తెలిపింది వాతావరణ శాఖ.
