వాషింగ్టన్: రాత్రిపూట అలారం మోగడంతో ఇంట్లోకి దొంగ చొరబడ్డడని అనుకున్నడు.. గరాజ్లో కదలికలు గుర్తించి తుపాకీతో కాల్చిండు. ఆపై దగ్గరికి వెళ్లి చూసి గుండెలవిసేలా ఏడ్చిండు. చీకట్లో దొంగ అని పొరబడి కన్న కూతురినే కాల్చి చంపుకున్నడా తండ్రి! అమెరికాలోని ఓహియోలో ఈ దారుణం చోటుచేసుకుంది. ఆ తర్వాత రక్తపు మడుగులో పడి ఉన్న కూతురు హెయిర్స్టన్ను కాపాడుకునేందుకు ఎంత ప్రయత్నించినా ఉపయోగంలేకుండా పోయింది. తమ కూతురు ప్రాణాపాయంలో ఉందంటూ ఉదయం 4.30 గంటలకు ఎమర్జెన్సీ సర్వీస్ నంబర్కు పేరెంట్స్ కాల్ చేశారు. వెంటనే అక్కడికి చేరుకున్న పోలీసులు, హెయిర్స్టన్ను దగ్గరలోని ఆస్పత్రికి తీసుకెళ్లారు. అక్కడ ట్రీట్మెంట్ తీసుకుంటూ ఒక గంటలోనే ఆమె ప్రాణాలు విడిచింది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
