సూప‌ర్ బ్లాక్ బ‌స్ట‌ర్ టాక్ తో విజ‌యవంతంగా డెడ్ పుల్ అండ్ వాల్వ‌రిన్ (Deadpool And Wolverine) తెలుగునాట థియేట‌ర్లలో సందడి చేస్తుంది. అత్యంత భారీ అంచ‌నాలు మ‌ధ్య ప్ర‌పంచ‌వ్యాప్తంగా జూలై 26న విడుద‌లైన ఈ సినిమాను మార్వెల్ స్టూడియోస్ వారు నిర్మించారు. ర‌య‌న్ రెనాల్డ్స్, హుయ్ జాక్ మెన్ ముఖ్య పాత్ర‌లుగా తెర‌కెక్కిన ఈ సినిమా విడుద‌లైన మూడు రోజుల్లోనే ప్ర‌పంచ మూవీ బాక్స్ ఫీస్ ని షేక్ చేస్తుంది.
దాదాపుగా మూడు రోజుల్లో వరల్డ్ వైడ్గా రూ.3670 కోట్లు క‌లెక్ట్ చేసి కాసుల వ‌ర‌ద సృష్టించింది. ఇండియాలో కూడా డెడ్ పుల్ అండ్ వాల్విరిన్ క‌లెక్ష‌న్ల హ‌వా కొన‌సాగుతుంది. ఇండియాలోనూ మూడు రోజుల్లోనే రూ.66 కోట్లు రావడం విశేషం. మరీ ముఖ్యంగా తెలుగులో ఈ సినిమాకు మార్వెల్ మూవీ అభిమానుల అద‌ర‌ణ ద‌క్కింది. తెలుగు డ‌బ్బింగ్ వెర్ష‌న్ లో ఉన్న టైమ్లీ డైలాగులు అభిమానుల్ని విశేషంగా ఆకట్టుకున్నాయి.
Also Read:-మందార టీపై నయన్ ఒపీనియన్..8.7 మిలియన్ల ఫాలోవర్స్‌ను తప్పుదోవ పట్టిస్తుందంటూ ఓ డాక్టర్ ఆగ్రహం
డెడ్ పుల్ పాత్ర‌దారు ర‌య‌న్ రెనాల్డ్స్ ప‌లికిన ప్ర‌తి సంభాష‌ణ‌కి సంబంధించిన తెలుగు డ‌బ్బింగ్ ఆద్యంతం హాస్యాన్ని పండించింది. దీంతో ఈ సినిమాకు విడుద‌లైన రోజు నుంచి తెలుగులో విశేషాద‌ర‌ణ ల‌భిస్తుంది.అయితే వీకెండ్ ముగిసి నాలుగో రోజు వచ్చేసరికి ఈ కలెక్షన్లు భారీగా తగ్గిపోయాయి.సోమవారం (జులై 29) ఇండియన్ బాక్సాఫీస్ దగ్గర కేవలం రూ.7 కోట్లు మాత్రమే వచ్చాయి. మూడో రోజైన ఆదివారం రూ.22.3 కోట్లుగా ఉన్న కలెక్షన్లు నాలుగో రోజు సగానికి సగం పడిపోవడం గమనార్హం. ఇక ఈ మూవీ వరల్డ్ వైడ్గా రూ.4,000 కోట్ల మార్కుకు చేరువలో ఉంది.
