వాషింగ్టన్: అమెరికా అధ్యక్ష అభ్యర్థిత్వ రేసులో రిపబ్లికన్ పార్టీ తరఫున వివేక్ రామస్వామి దూసుకుపోతున్నారు. ప్రస్తు తం ఆయన రేసులో రెండోస్థానంలో కొన సాగుతున్నారు. పోల్స్ లో వివేక్ మూడోస్థానం నుంచి రెండో స్థానానికి చేరుకున్నారని స్థానిక మీడియా తెలిపింది. అయితే, రిపబ్లికన్ పార్టీ తరఫున ప్రైమరీ పోల్స్ లో 39 శాతం మంది మద్దతుతో అధ్యక్ష అభ్యర్థిత్వ రేసులో మాజీ అధ్యక్షుడు డొనాల్డ్ ట్రంప్ మొదటి స్థానంలో ఉన్నారు. ట్రంప్ తర్వాత వివేక్ 13 శాతం ఓట్లతో రెండో స్థానంలో, భారత సంతతికి చెందిన మరో అభ్యర్థి నిక్కీ హేలీ 12 శాతం ఓట్లతో మూడో స్థానంలో కొనసాగుతున్నారు.
ప్రచారంలో పిజ్జాలు పంచిన ట్రంప్
ఎన్నికల ప్రచారంలో భాగంగా ట్రంప్ బుధవారం పిజ్జాలు పంచారు. అయోవా బెటెన్ డార్ప్ లోని ఓ బార్లో తన మద్దతుదారులకు ట్రంప్ పిజ్జాలు పంచిన వీడియో సోషల్ మీడియాలో వైరల్ గా మారింది. పిజ్జాలు పంచిన అనంతరం ట్రంప్ తన అభిమానుల క్యాప్లు, టీషర్టులపై ఆటోగ్రాఫ్ చేశారు.
