వందల టీవీ ఛానెళ్లు. స్ర్కీన్కి అతుక్కుపోయేలా చేసే సీరియల్స్. థియేటర్స్లో వారానికో కొత్త సినిమా. ఎక్స్ట్రా ఎంటర్టైన్మెంట్కి యూట్యూబ్, ఓటీటీ ఉండనే ఉంది. మరి ఇవేం లేని రోజుల మాటేంటి? ఆ రోజుల్లో నాటకాలే వన్ అండ్ ఓన్లీ ఎంటర్టైన్మెంట్. నాటకం అంటే చిన్నా పెద్దా.. ముసలి ముతకా అందరూ రెప్పవాల్చకుండా చూసేవాళ్లు. కానీ, ఇప్పుడు సెల్ఫోన్లే సినిమా టాకీస్ అవ్వడంతో నాటకాలు చూసేవాళ్ల సంఖ్య బాగా తగ్గింది. ఆ సంఖ్యని మళ్లీ పెంచడానికి... కరోనా వల్ల ఉపాధి కోల్పోయిన స్టేజ్ ఆర్టిస్ట్లని ఆదుకోవడానికి ఒక ఆలోచన చేశాడు అభినయ శ్రీనివాస్. అదే యూట్యూబ్లో నాటకాల స్ట్రీమింగ్.
టీవీ కన్నా ముందే ఓటీటీల్లో సీరియల్స్
టెలికాస్ట్ అవుతున్నాయి. థియేటర్లో రిలీజ్ అయిన నెలకే సినిమాలు కూడా ఆన్లైన్ ప్లాట్ఫామ్స్లోకి వచ్చేస్తున్నాయి. రియాలిటీ షోలు యూట్యూబ్లో లక్షల వ్యూస్ కొల్లగొడుతున్నాయి. వీటన్నింటికీ ఆన్లైన్ మార్కెట్ అయినప్పుడు మరి నాటకాల్ని ఎందుకు పక్కనపెట్టాలి. ఈ ఆలోచనతోనే నాటకాల్ని కూడా ఆన్లైన్లో పెట్టాలనుకున్నాడు అభినయ శ్రీనివాస్. అందుకోసం ‘ట్రై కలర్’ అనే యూట్యూబ్ ఛానెల్ పెట్టాడు. ఒకప్పటి సూపర్హిట్ తెలుగు నాటకాల్ని అందులో పోస్ట్ చేశాడు. యూట్యూబ్ లైవ్లో ఆర్టిస్ట్లతో కొన్ని నాటకాలు కూడా వేయించాడు. వాటికి మంచి ఆదరణ రావడంతో ఇతర రాష్ట్రాలు, దేశాల వాళ్లు కూడా శ్రీనివాస్ని కాంటాక్ట్ అయ్యారు. వాళ్లు వేసిన నాటకాల్ని కూడా యూట్యూబ్లో పెట్టమని అడిగారు.
కళను బతికించడానికి శ్రీనివాస్ చేస్తున్న కృషికి తెలంగాణ భాషా సాంస్కృతిక శాఖ డైరెక్టర్ మామిడి హరికృష్ణ అండగా నిలిచాడు. ప్రస్తుతం శ్రీనివాస్ తెలుగుతో పాటు కన్నడ, హిందీ, మరాఠి, తమిళ, బెంగాలీ, మణిపూరి, అస్సామీ, నేపాలీ, మలయాళీ నాటకాల్ని కూడా తన యూట్యూబ్ ఛానెల్లో పెడుతున్నాడు. చిన్నపిల్లల నాటకాల్ని కూడా యూట్యూబ్లో స్ట్రీమ్ చేస్తున్నాడు. బంగ్లాదేశ్, ఇరాన్, నేపాల్, ఫ్రాన్స్, బహ్రెయిన్, సౌదీ అరేబియా దేశాల్లోని పాపులర్ నాటకాల్ని కూడా ఆయా భాషాల్లో యూట్యూబ్లో టెలికాస్ట్ చేస్తున్నాడు. దాదాపు ఆరు దేశాల నాటకాల్ని లైవ్ ద్వారా అందిస్తున్నాడు. ఒక పక్క కళకి ప్రాణం పోస్తూ.. వ్యూస్ ద్వారా వచ్చిన ఆదాయాన్ని కరోనా వల్ల ఉపాధి కోల్పోయిన పేద కళాకారులకి ఇస్తున్నాడు శ్రీనివాస్.
మంచి ఆదరణ వస్తోంది
‘కరోనా చాలామంది బతుకుల్ని ఆగం చేసింది. వాళ్లలో నాటక రంగాన్ని నమ్ముకొని బతికేవాళ్లూ ఉన్నారు. ఉపాధి లేక చాలా ఇబ్బందులు పడుతున్నారు వాళ్లు. అందుకే అన్ని భాషల్లో హిట్టైన నాటకాల్ని యూట్యూబ్లో పెడుతున్నాం. ప్రతిరోజూ మధ్యాహ్నం మూడింటికి ఒక నాటకాన్ని టెలికాస్ట్ చేస్తున్నాం. ఆన్లైన్లో తమ నాటకాలు చూసి కళాకారులు చాలా హ్యాపీగా ఉన్నారు. పాత జ్ఞాపకాలు గుర్తుకొస్తున్నాయని చెబుతున్నారు. వివిధ దేశాల నుంచి కూడా ఈ ఆన్లైన్ నాటకాల కాన్సెప్ట్కి మంచి ఆదరణ వస్తోంది. ఫ్యూచర్లో మరిన్ని మంచి నాటకాల్ని ప్రేక్షకులకి పరిచయం చేస్తా’ అభినయ థియేటర్ ట్రస్ట్ ప్రెసిడెంట్ అభినయ శ్రీనివాస్ అన్నారు.
ఫ్యూచర్లోనూ కొనసాగిస్తాం
‘సినిమాలు, సీరియళ్లలాగా నాటకాలకి కూడా ఆన్లైన్లో మంచి ఆదరణ వస్తోంది. తెలుగు భాష, సంస్కృతిని ప్రతిబింబించేలా ఉన్న వీటిని చిన్నాపెద్దా అందరూ ఇష్టపడుతున్నారు. ఇతర రాష్ట్రాలు, దేశాల వాళ్లు కూడా తమ నాటకాలు ప్రదర్శించమని అడుగుతున్నారు. నాటక సంగీత అకాడమి ద్వారా చిన్నపిల్లల నాటకాలను కూడా యూట్యూబ్లో పెడుతున్నాం. వీటి ద్వారా వచ్చిన డబ్బుని పేద కళాకారుల బాగుకోసమే ఉపయోగిస్తున్నాం. ఫ్యూచర్లో కూడా ఈ మంచి పనిని కొనసాగిస్తాం. నాటక రంగాన్ని మరింత అభివృద్ధి చేస్తాం’ అని తెలంగాణ భాషా సాంస్కృతిక శాఖ డైరెక్టర్ మామిడి హరికృష్ణ చెప్పారు.