కొంచెం ఎండ అనిపించినా.. లేదా నలుగురు కలిసినా.. వెంటనే కూల్ డ్రింక్స్ ఆర్డర్ చేసి గటగట తాగేస్తారు.. ఇక ఇళ్లల్లో కూడా కూల్ డ్రింక్స్ నిల్వ ఉంచుకుని పిల్లలకు కూడా ఈ రుచిని చూపిస్తారు... కూల్ డ్రింక్స్ హానికరమే..అయినా ఎండకు గటగటా తాగేస్తారు. సమ్మర్ లో కూల్ డ్రింక్స్ తాగాలనిపించినప్పుడు కొన్ని సహజసిద్ధమైన పానీయాలను తాగితే మంచి ప్రయోజనం ఉంటుంది. ఇప్పుడు వాటి గురించి తెలుసుకుందాం. .
Also Read : రోజూ టీ స్పూన్ గుమ్మడి గింజలు తింటే
- క్యారెట్: ఇందులో విటమిన్-సి పుష్కలంగా ఉంటుంది. ఇది ఆరోగ్యానికి మేలు చేయడమే కాదు, చర్మ సౌందర్యాన్ని కూడా కాపాడుతుంది.
- కీరా: ఇందులో నీటి శాతం అధికంగా ఉండటమే కాకుండా ..... కీరాలో తక్కువ క్యాలరీలు ఉంటాయి. సహజంగా బరువు తగ్గాలను కున్నా... చర్మం ఆరోగ్యంగా ఉం డాలనుకున్నా కీర దోస జ్యూస్ తాగడం మంచిది. ఇది త్వరగా జీర్ణం అవుతుంది కూడా.
- మామిడి రసం: మామిడి తినకుండా, రసం తాగకుండా వేసవి పూర్తి కాదు. పచ్చి మామిడి రసం ఎండవల్ల చర్మం దెబ్బతినకుండా కాపా డుతుంది.
- నిమ్మరసం: ఇది శరీరాన్ని, చర్మాన్ని హైడ్రేట్ గా ఉంచడమే కాకుండా.. . అధిక బరువుని కూడా తగ్గిస్తుంది. వేసవి వేడి నుంచి ఉపశమనం పొందాలంటే ఈ జ్యూస్ పక్కాగా తీసుకోవాల్సిందే.
- పుదీనా రసం: పుదీనా జ్యూస్ వేసవి వేడితో పోరాడి శరీరానికి చల్లదనాన్ని ఇస్తుంది.
- టొమాటో: వీటిలో విటమిన్-సీ... యాంటీ ఆక్సి డెంట్లు పుష్కలంగా ఉంటాయి. పోషక విలుకలు కూడా అధికం. అందుకే ఈ సీజన్ లో టొమాటో జ్యూస్ తాగితే మంచిది
