జగిత్యాలలో రాత్రి 11.30 గంటలకు పెట్రోలింగ్ విధులు నిర్వహిస్తున్న పోలీస్ లకు వింత అనుభవం ఎదురైంది. కొత్త బస్టాండ్ సమీపంలో నటరాజ్ టాకీస్ వద్ద బైక్ పై వస్తున్న ఓ వ్యక్తి అదుపుతప్పి కిందపడిపోయాడు. దాంతో కానిస్టేబుళ్లు పరిగెత్తుకొని వెళ్లి అతన్ని పైకి లేపారు. ఎక్కడి నుండి వస్తున్నావ్ అంటూ ప్రశ్నించారు. దీంతో ఆ వ్యక్తి మీరెవరు??? అంటూ పోలీసులను ఎదురు ప్రశ్నించాడు. తాము డ్యూటీలో ఉన్న పెట్రోలింగ్ పోలీసులమని కానిస్టేబుళ్లు సమాధానమిచ్చారు. దాంతో ఆ వ్యక్తి.. మీరు పోలీసులు అయితే దానికి రుజువు ఏంటి అంటూ ఎదురు ప్రశ్న వేశాడు. బిత్తరపోయిన పోలీసులు.. అక్కడే పెట్రోలింగ్ వెహికిల్ లో ఉన్న ఎస్ఐ నవతకి విషయం చెప్పారు. దాంతో ఆ వ్యక్తి కోరిన విధంగానే ఐడీ కార్డులని చూపించండంటూ కానిస్టేబుళ్లకి ఎస్సై నవత చెప్పారు. అంతేకాకుండా పనిలో పనిగా అతనికి బ్రీత్ ఎనలైజర్ కూడా చేయండి అంటూ ఆదేశించారు. ఆ వ్యక్తికి ఐడీ కార్డులు చూపించి.. అనంతరం బ్రీత్ ఎనలైజర్ చేశారు. ఆ వ్యక్తి ఊదగానే ఏకంగా 160 వరకు రీడింగ్ వచ్చింది. దాంతో పోలీసులు అతని వివరాలు తీసుకొని బండిని సీజ్ చేసి స్టేషన్ కు తరలించారు.
For More News..
ఆందోళనకారులను అరెస్ట్ చేయండంటూ ఎమ్మెల్యే హుకూం
