బాసర, వెలుగు: ప్రసిద్ధ పుణ్యక్షేత్రం బాసరలోని శ్రీ జ్ఞాన సరస్వతీ దేవి అమ్మవారి ఆలయానికి మంగళవారం తెలంగాణ గ్రామీణ బ్యాంక్ బాసర బ్రాంచ్ తరపున రెండు ఈ టికెట్ మెషీన్లతో పాటు ఈ హుండీ క్యూఆర్ కోడ్ లను ఆలయ ఈవో అంజనీ దేవికి అందజేశారు.
క్యూ ఆర్ కోడ్ ద్వారా ఆన్లైన్ లో విరాళాలు అందజేయవచ్చని బ్యాంక్ అధికారులు తెలిపారు. భక్తులకు మెరుగైన సేవలు అందించేందుకు ఈ టికెట్ మెషీన్లు ఉపయోగపడతాయని చెప్పారు. బ్యాంక్ రీజినల్ మేనేజర్ నవీన్ కుమార్, సీనియర్ మేనేజర్ విలాస్, బాసర బ్రాంచ్ మేనేజర్ తేజస్వి పాల్గొన్నారు.
