రాపిడో బైక్-టాక్సీ డ్రైవర్ బ్యాంక్ ఖాతాలో రూ. 331 కోట్లు డబ్బు డిపాజిట్లు రావటంపై ఈడీ ఫోకస్ పెట్టింది. అగస్టు 19, 2024 నుండి ఏప్రిల్ 16, 2025 మధ్య కాలంలో ఈ డబ్బు డిపాజిట్లు జరిగినట్లు అధికారులు గుర్తించారు. అయితే ఇన్వెస్టిగేషన్ లో సాధారణ జీవనోపాధి కోసం టూవీలర్ టాక్సీ రైడర్ గా ఉన్న వ్యక్తి పేద జీవితం కలిగి ఉన్నట్లు వెల్లడైంది. జస్ట్ రెండు రూమ్స్ ఉన్న ఉంట్లో ఉంటున్నట్లు గుర్తించారు అధికారులు. అయితే అతని ఖాతాలో కోటి పైగా సొమ్ము ఒక ఉదయ్ పూర్ లో జరిగిన ఓ రిచ్ డెస్టినేషన్ వెడ్డింగ్‌కు లగ్జరీ హోటల్ వినియోగించబడింది. ఆ వివాహం ఒక యువ గుజరాత్ రాజకీయ నాయకుడికి సంబంధించినదిగా తేల్చారు అధికారులు.
దర్యాప్తులో డ్రైవర్ తన ఖాతాలోకి వచ్చిన లావాదేవీల గురించి పూర్తిగా తెలియదని చెప్పాడు. ఎన్‌ఫోర్స్‌మెంట్ డైరెక్టర్‌యిట్ అధికారులు ఈ అకౌంట్ "మ్యూల్ ఖాతా" అని భావిస్తున్నారు. అంటే ఇది అక్రమ నిధుల పంపకానికి ఉపయోగించే ఒక అకౌంట్ అని అర్థం. ఈ ఖాతాలోకి అనేక అనామక వనరుల నుంచి పెద్ద మొత్తాలు డిపాజిట్ అవుతూ వాటిని మరో అనుమానాస్పద ఖాతాలకు తరలించినట్లు గుర్తించబడింది.
ఈ కేసులో ED 1xBet నెట్‌వర్క్ పై దర్యాప్తు పెంచుతూ క్రికెటర్లు శిఖర్ ధ‌వాన్, సురేశ్ రైనా లాంటి ప్రముఖుల ఆస్తులను అటాచ్ చేసి, అనేక సెలబ్రిటీలను విచారిస్తోంది ఈడీ. దీంతో తెలియని వ్యక్తులు డబ్బు ఆశ జూపితే దానికోసం బ్యాంక్ ఖాతా వివరాలను పంచుకోవద్దని అధికారులు ప్రజలకు సూచిస్తున్నారు. ఇలా వారి అక్రమ కార్యకలాపాలకు అడ్డాగా మీ ఖాతాలు వాడటం చట్టపరమైన సమస్యలకు దారితీస్తుందని, ఇలాంటి మ్యూల్ ఖాతాలను నిందితులు అక్రమ వ్యాపారాలు, బెట్టింగ్ యాప్స్, నేరాలకు వినియోగిస్తుంటారని హెచ్చరించారు ఈడీ అధికారులు.
ప్రజలకు ED సలహాలు..
• బ్యాంక్ ఖాతా వివరాలు, డెబిట్ లేదా క్రెడిట్ కార్డులు, UPI లేదా నెట్-బ్యాంకింగ్ యాక్సెస్‌ను ఇతరులతో పంచుకోవద్దు.
• తెలియని వ్యక్తుల కోసం చెక్కులు లేదా ఆర్థిక పత్రాలపై సంతకం చేయవద్దు.
• ఏవైనా అసాధారణ డిపాజిట్లు, ఉపసంహరణలు లేదా మీ ఖాతాను దుర్వినియోగం చేసే ప్రయత్నాలను రిపోర్ట్ చేయండి.
• మీ ఆర్థిక గుర్తింపును ఉపయోగించడానికి డబ్బును అందించే వ్యక్తుల పట్ల జాగ్రత్తగా ఉండండి.
• ప్రభుత్వ పోర్టల్ tafcop.sancharsaathi.gov.inలో మీ పేరుతో జారీ చేయబడిన మొబైల్ నంబర్‌లను ధృవీకరించండి. మీరు ఉపయోగించని నంబర్‌లను డీయాక్టివేట్ చేయండి.
