వంగూరు, వెలుగు: సీఎం రేవంత్ రెడ్డి స్వగ్రామం కొండారెడ్డిపల్లిలో బుధవారం ఈదమ్మ ఆలయ పున:ప్రతిష్ట ఘనంగా నిర్వహించారు. ఆయన సోదరుడు, గ్రామ అభివృద్ధి కమిటీ అధ్యక్షుడు ఎనుముల కృష్ణారెడ్డి కుటుంబసమేతంగా హాజరయ్యారు.
ఆలయంలో ప్రత్యేక పూజలు చేశారు. కార్యక్రమంలో రాష్ట్ర వ్యవసాయ, రైతు సంక్షేమ కమిషన్ సభ్యుడు కేవీఎన్.రెడ్డి, కాంగ్రెస్ పార్టీ జిల్లా ప్రధాన కార్యదర్శి ముత్యాల లక్ష్మారెడ్డి, మాజీ ఎంపీపీ భీమమ్మ లాలు యాదవ్, మాజీ ఉపసర్పంచ్ వేమారెడ్డి, నాయకులు జగదీశ్వర్రెడ్డి, పులిజాల కృష్ణారెడ్డి తదితరులు పాల్గొన్నారు.
