మెదక్ జిల్లాలో రెండో రోజు నామినేషన్ల సందడి

•     రెండో రోజు 152 నామినేషన్లు

మెదక్, వెలుగు: జిల్లాలో రెండో రోజు సర్పంచ్, వార్డ్​ మెంబర్​ స్థానాలకు అధిక సంఖ్యలో నామినేషన్లు దాఖలయ్యాయి. ఆరు మండలాల్లోని160 సర్పంచ్​ స్థానాలకు శుక్రవారం152  నామినేషన్లు దాఖలయ్యాయి. తొలి రోజు 55 నామినేషన్లు  దాఖలు కాగా రెండు రోజుల్లో కలిపి మొత్తం 207 నామినేషన్లు దాఖలయ్యాయి. 

హవేలీ ఘనపూర్​ మండలంలో అత్యధికంగా 65, పాపన్నపేట మండలంలో 38, టేక్మాల్​ మండలంలో 34, రేగోడ్​ మండలంలో 25, పెద్ద శంకరంపేట మండలంలో 25, అల్లాదుర్గంలో 20 నామినేషన్లు దాఖలయ్యాయి. వార్డు మెంబర్​ స్థానాలకు రెండో రోజు 186 నామినేషన్లు దాఖలు కాగా రెండు రోజుల్లో కలిపి మొత్తం 190 నామినేషన్లు దాఖలయ్యాయి. చివరి రోజు శనివారం సర్పంచ్​, వార్డు మెంబర్​ స్థానాలకు ఎక్కువగా నామినేషన్లు పడే అవకాశం ఉంది.  

 గజ్వేల్​ డివిజన్​లో..

గజ్వేల్​: గజ్వేల్, వర్గల్, ములుగు, జగదేవ్​పూర్, మర్కూక్, దౌల్తాబాద్, రాయపోల్​ మండలాల్లో సర్పంచ్, వార్డు మెంబర్లు నామినేషన్లు వేయడం ఊపందుకుంది. సాయంత్రం 5 తర్వాత కూడా నామినేషన్ల కోసం ఆయా క్లస్టర్​ కేంద్రాల్లో అభ్యర్థులు లైన్​లో  కనిపించారు. రెండో రోజు మొత్తం సర్పంచ్​అభ్యర్థులుగా 316 , వార్డు మెంబర్ల కోసం 422 నామినేషన్లు వచ్చాయి. 

ఇందులో గజ్వేల్​ సర్పంచ్​ 25, వార్డు  మెంబర్లు 43, వర్గల్​ సర్పంచ్​ 31, వార్డు 57,  ములుగు సర్పంచ్​ 27,  వార్డు 74, మర్కుక్​ సర్పంచ్​12, వార్డు 72,  దౌల్తాబాద్​ సర్పంచ్​33,  వార్డు 65,  రాయపోల్ సర్పంచ్​27,  వార్డు 61 వచ్చినట్లు అధికారులు తెలిపారు. 

రెండో రోజు 191 నామినేషన్లు

సంగారెడ్డి: సంగారెడ్డి జిల్లాలో మొదటి విడత ఎన్నికల నేపథ్యంలో శుక్రవారం సర్పంచ్ స్థానాలకు 191 నామినేషన్లు దాఖలయ్యాయి. జిల్లా వ్యాప్తంగా 613 గ్రామ పంచాయతీలు, 5,370 వార్డు స్థానాలు ఉండగా మొదటి విడతలో సంగారెడ్డి  డివిజన్ లోని 7 మండలాల పరిధిలో 136 పంచాయతీలు, 1,246 వార్డు స్థానాలకు ఎన్నికలు జరగనున్నాయి. రెండో రోజు వార్డు స్థానాలకు 760 నామినేషన్లు అందాయి.