జగిత్యాల పాత బస్టాండ్ వద్ద రైతు బజార్లో ఆందోళన నెలకొంది. రైతుబజార్లో కూరగాయలు అమ్ముకునేందుకు స్థలం లేక రోడ్డుపైకి వస్తున్నామని రైతులు ఆవేదన వ్యక్తం చేశారు. రోడ్డుపై కూరగాయాలు విక్రయిస్తున్నారనే నెపంతో బల్దియా టౌన్ ప్లానింగ్ సిబ్బంది తమను వెళ్లగొడుతున్నారని నిరసనకు దిగారు. రైతుబజార్లో వ్యాపారస్తులే నిండిపోయారని.. తమకు స్థలం లేక ఇబ్బంది పడుతున్నామని చెబుతున్నారు. తమకు ఉదయం సమయంలోనైనా మార్కెట్లో స్థలం కేటాయించాలని మున్సిపల్ సిబ్బందితో వాగ్వాదానికి దిగారు.
రైతుబజార్ లో స్థలం లేకపోవడంతో రోడ్డుపై అమ్ముకుంటున్నామని రైతులు వాపోయారు. ఉదయం 9గంటల వరకు మాత్రమే తాము కూరగాయలు అమ్ముకుంటున్నామని, ఆ సమయంలో కూడా మున్సిపల్ సిబ్బంది వచ్చి తమను అడ్డుకుంటున్నారని ఆవేదన వ్యక్తం చేశారు. రైతుబజార్ లో స్థలం అయినా ఇప్పించాలని, లేని పక్షంలో రోడ్డుపై కూరగాయలు పెట్టి అమ్ముకునేందుకు అనుమతి ఇవ్వాలని రైతులు కోరుతున్నారు.
