ఆంధ్రప్రదేశ్ కర్నూలు జిల్లాలో ఘోర రోడ్డు ప్రమాదం చోటు చేసుకుంది. శనివారం (నవంబర్ 29) రెండు కార్లు ఎదురెదురుగా ఢీకనటంతో ప్రమాదం జరిగింది. ఈ ఘటనలో ఐదు మంది చనిపోయారు. పలువురికి తీవ్ర గాయాలయ్యాయి.
కర్నూలు జిల్లా ఎమ్మిగనూరు మండలం కోటేకల్‌ దగ్గర జరిగింది ఈ ప్రమాదం. ఈ ఘటనలో ఇద్దరు చిన్నారులు సహా ఐదుగురు అక్కడికక్కడే మృతి చెందారు. గాయపడిన వారిని వెంటనే ఆస్పత్రికి తరలించారు స్థానికులు.
బాధితులను కర్ణాటక రాష్ట్రానికి చెందిన చిక్కోహొసల్లికి చెందిన వారిగా గుర్తించారు. కోలార్ నుంచి మంత్రాలయం వెళ్తుండగా ఈ ప్రమాదం జరిగినట్లు పోలీసులు తెలిపారు. ఘటనపై దర్యాప్తు చేపట్టారు.
