దేశంలోనే అతి పెద్ద ప్రైవేట్ బ్యాంకుల్లో ఒకటైన హెచ్‌డీఎఫ్‌సీ బ్యాంకు హనుమకొండ నక్కలగుట్ట బ్రాంచిలో అగ్నిప్రమాదం జరిగింది. ఆదివారం సాయంత్రం ఉన్నట్టుండి బ్యాంకులో మంటలు వచ్చాయి. దీంతో బ్యాంకు నుంచి బయటకు దట్టంగా పొగలు రావడంతో ఆ పరిసరాల్లోని జనం వెంటనే ఫైర్ సిబ్బందికి సమాచారం ఇచ్చారు. దీంతో అక్కడి చేరుకున్న ఫైరింజన్ సిబ్బంది మంటలు ఆర్పారు.
ఈ ప్రమాదంలో సుమారు 6 నుంచి 10 లక్షల ఆస్తి నష్టం వాటిల్లిందని అధికారులు చెబుతున్నారు. బ్యాంకులో సర్వర్ రూమ్, క్యాష్, లాకర్స్కు ఎలాంటి ప్రమాదం జరగలేదని వరంగల్ అసిస్టెంట్డిస్ట్రిక్ట్ ఫైర్ఆఫీసర్ జయపాల్ రెడ్డి తెలిపారు. షార్ట్ సర్క్యూట్ వల్లే ప్రమాదం జరిగినట్లు పేర్కొన్నారు. కాగా, మంటలు ఆర్పిన అనంతరం బ్యాంకు ఆఫీసర్లతో పాటు సుబేదారి సీఐ రాఘవేందర్ పరిశీలించారు.
