హైదరాబాద్, వెలుగు: ఫెస్టివల్ సీజన్ కోసం ఫ్లిప్కార్ట్ సప్లై చెయిన్, లాజిస్టిక్స్, డెలివరీ విభాగాల్లో 2.2 లక్షల తాత్కాలిక ఉద్యోగాలను కల్పించింది. దేశవ్యాప్తంగా 28 రాష్ట్రాల్లో ఈ ఉద్యోగ అవకాశాలు ఇచ్చినట్టు ఫ్లిప్కార్ట్ ఒక ప్రకటనలో తెలిపింది. పండుగ సీజన్ కోసం టైర్-2, టైర్-3 నగరాల్లో 650 కొత్త డెలివరీ హబ్‌‌లను ఏర్పాటు చేస్తోంది. ఈ ఏడాది కొత్తగా నియమించుకున్న వారిలో మహిళల సంఖ్య 10 శాతం పెరిగిందని, వికలాంగులకు కూడా మరిన్ని ఉద్యోగావకాశాలు కల్పించడంపై దృష్టి సారించినట్లు ఫ్లిప్కార్ట్ తెలిపింది. అమెజాన్ కూడా తన నెట్వర్క్లో లక్షన్నర తాత్కాలిక ఉద్యోగాలను కల్పించింది.
ఇదిలా ఉండగా.. ఆన్లైన్ షాపింగ్ ప్లాట్ఫా అమెజాన్ ఇండియా ప్రాజెక్ట్ ఆశ్రయ్ను విస్తరిస్తున్నట్లు ప్రకటించింది. ఇందులో భాగంగా హిందుస్థాన్పెట్రోలియం కార్పొరేషన్ లిమిటెడ్ (హెచ్పీసీఎల్)తో కలిసి దేశవ్యాప్తంగా 40 కొత్త ఆశ్రయ్ సెంటర్లను ప్రారంభిస్తున్నట్టు తెలిపింది. తాజాగా ఢిల్లీలోని రోహిణి ప్రాంతంలో కొత్త కేంద్రాన్ని ఏర్పాటు చేసింది.
దీంతో కలిపి అమెజాన్కు ప్రస్తుతం 13 నగరాల్లో 65 ఆశ్రయ్ కేంద్రాలు ఉన్నాయి. 2025 చివరి నాటికి 100 కేంద్రాలను ఏర్పాటు చేయాలని లక్ష్యంగా పెట్టుకుంది. ఆశ్రయ్ కేంద్రాల్లో డెలివరీ పార్ట్నర్లు విశ్రాంతి తీసుకోవచ్చు. ఏసీ సీటింగ్, పరిశుభ్రమైన తాగునీరు, మొబైల్ చార్జింగ్ పాయింట్లు, వాష్‌‌రూమ్స్ వంటి సౌకర్యాలను ఉచితంగా వాడుకోవచ్చు.
