న్యూఢిల్లీ: రాజ్యాంగాన్ని కాగితాలకే పరిమితం చేయొద్దని కాంగ్రెస్ మాజీ చీఫ్ రాహుల్ గాంధీ అన్నారు. 72వ రాజ్యాంగ దినోత్సవ వేడుకల సందర్భంగా రాహుల్ ఈ వ్యాఖ్య చేశారు. ‘న్యాయం, అధికారం అందరికీ సమానంగా ఉండాలి. రాజ్యాంగం కాగితాలకే పరిమితం కాకుండా చూసే బాధ్యత మనందరి పైనా ఉంది. దేశ ప్రజలందరికీ రాజ్యాంగ దినోత్సవ శుభాకాంక్షలు’ అని రాహుల్ ట్వీట్ చేశారు.
न्याय व अधिकार सबके लिए एक समान होने चाहिएँ ताकि संविधान सिर्फ़ काग़ज़ ना बन जाए- ये हम सबकी ज़िम्मेदारी है।
— Rahul Gandhi (@RahulGandhi) November 26, 2021
देश के संविधान दिवस पर सभी को शुभकामनाएँ।#ConstitutionDay2021 pic.twitter.com/SkIP9f5jvB
కాగా, పార్లమెంట్ లో రాజ్యాంగ దినోత్సవ వేడుకలు ఘనంగా జరిగాయి. కానీ ఈ సెలబ్రేషన్స్ కు కాంగ్రెస్ సహా 14 విపక్ష పార్టీలు డుమ్మా కొట్టాయి. ప్రతిపక్షాలన్నీ ఏకతాటి మీద ఉండాలనే ఈ నిర్ణయం తీసుకున్నామని తృణమూల్ పార్టీ సీనియర్ నేత ఒకరు చెప్పారు. మోడీ సర్కార్ రాజ్యాంగాన్ని గౌరవించడం లేదని తెలంగాణ రాష్ట్ర కాంగ్రెస్ వ్యవహారాల ఇన్ ఛార్జ్ మాణిక్కం ఠాగూర్ చెప్పారు.
