- మాజీ ఎమ్మెల్యే విఠల్ రెడ్డి చొరవతో ఆమరణ దీక్ష విరమణ
కుంటాల, వెలుగు: ముథోల్ నియోజకవర్గ పరిధిలో సోయా రైతులు ఎదుర్కొంటున్న సమస్యలను ప్రభుత్వం దృష్టికి తీసుకెళ్తానని మాజీ ఎమ్మెల్యే జి.విఠల్ రెడ్డి అన్నారు. ఆంక్షలు లేకుండా సోయా కొనుగోలు చేయాలని గత మూడు రోజులుగా ఆమరణ నిరాహార దీక్ష చేస్తున్న పడకంటి దత్తు దీక్ష శిబిరాన్ని శుక్రవారం ఆయన సందర్శించారు.
జిల్లా ఇన్చార్జ్ మంత్రి జూపల్లి కృష్ణారావు, కలెక్టర్ అభిలాష అభినవ్, మార్క్ఫెడ్, నాఫెడ్ అధికారులతో ఫోన్లో మాట్లాడారు. కేంద్ర, రాష్ట్ర ప్రభుత్వాలు సోయా రైతులను ఇబ్బందులకు గురిచేయ కుండా వెంటనే కొనుగోలు చేయాలని రైతులు మాజీ ఎమ్మెల్యేను కోరగా.. వారం రోజుల్లో సమస్యను పరిష్కరిస్తానని చెప్పడంతో దీక్ష విరమిస్తున్నట్లు దత్తు ప్రకటించారు. విఠల్రెడ్డి నిమ్మ రసం ఇచ్చి దీక్ష విరమింపజేశారు. తహసీల్దార్ కమల్ సింగ్, ఎస్సై అశోక్, వివిధ పార్టీల నాయకులు, రైతులు ఉన్నారు.
