ఖానాపూర్, వెలుగు: ఖానాపూర్ మున్సిపల్ వైస్ చైర్మన్ అబ్దుల్ ఖలీల్ పై బీఆర్ఎస్, కాంగ్రెస్, బీజేపీ పార్టీలకు చెందిన 9 మంది కౌన్సిలర్లు కలెక్టర్ కు అవిశ్వాస తీర్మాన నోటీసు ఇవ్వడంతో ఆ పదవిని దక్కించుకునేందుకు నలుగురు కౌన్సిలర్లు పోటీపడుతున్నారు.
మున్సిపల్ చైర్మన్, వైస్ చైర్మన్పై ఇచ్చిన అవిశ్వాస తీర్మానం నేపథ్యంలో ఎట్టి పరిస్థితుల్లోనూ బల నిరూపణ ఉంటుందని భావించి సదరు కౌన్సిలర్లు ఇప్పటికే వైస్ చైర్మన్ సీటు కోసం అనుకూలమైన నాయకుల వద్ద పైరవీలు షురూ చేసినట్లు సమాచారం. ఈ పదవి రేసులో ఎస్సీ వర్గానికి చెందిన బీఆర్ఎస్ కౌన్సిలర్తో పాటు, స్వతంత్ర కౌన్సిలర్, కాంగ్రెస్కు చెందిన ఇద్దరు మహిళా కౌన్సిలర్లు పోటీలో ఉన్నట్లు తెలుస్తోంది.
