ముంబై: జైలులో రోజూ రాత్రి దోమలు నరకం చూపిస్తున్నయి. అధికారులు దోమ తెరలు అడిగితే ఇయ్యంపో అన్నరు. దీంతో ఓ ఖైదీ దోమల్ని చంపి ప్లాస్టిక్ బాటిల్లో వేసుకుని కోర్టుకు తెచ్చిండు. దోమ తెరలు ఇప్పించాలని జడ్జిని అడిగిండు. ముంబైలోని సెషన్స్ కోర్టులో గురువారం ఈ ఘటన జరిగింది.
మాఫియా డాన్ దావూద్ఇబ్రహీం మాజీ అనుచరుడైన గ్యాంగ్స్టర్ ఎజాజ్ లక్డావాలాను 2020లో అరెస్ట్ చేసి నవీ ముంబైలోని తలోజా జైలుకు తరలించారు. ఎజాజ్ దోమ తెర వాడేందుకు తొలుత అనుమతి ఇచ్చిన జైలు అధికారులు ఆపై భద్రతా కారణాలతో ఈ ఏడాది మే నెలలో రద్దు చేశారు. దీంతో గురువారం కోర్టుకు వచ్చినప్పుడు జడ్జికి ప్లాస్టిక్ బాటిల్లో తెచ్చిన దోమలను ఎజాజ్ చూపించాడు. తనతోపాటు తోటి ఖైదీలు దోమలతో అవస్థలు పడుతున్నామని తెలిపాడు. తమకు దోమ తెరలు ఇప్పించాలని కోరాడు. ఎజాజ్ అభ్యర్థనను జడ్జి తోసిపుచ్చారు.
