స్థానిక సమస్యలను ట్విట్టర్ ద్వారా మంత్రి కేటీఆర్కు విన్నవించుకుంటున్న సిటిజన్లు‘‘హస్తినాపురం డివిజన్లో స్ట్రీట్లైట్ల ప్రాబ్లమ్ ఉందని తరుణ్ రెడ్డి అనే సిటిజన్ ఈ నెల13న మంత్రి కేటీఆర్కి ట్వీట్ చేశాడు. సాయంత్రం 6.30 గంటల తర్వాత మహిళలు ఎన్నో ఇబ్బందులు పడుతున్నారని పేర్కొన్నాడు. ట్వీట్కు స్పందించిన మంత్రి సమస్యను పరిష్కరించాలని ఎల్ బీనగర్ జోనల్ కమిషనర్ని ఆదేశించారు.’’
హైదరాబాద్, వెలుగు: గ్రేటర్లో ఎలాంటి సమస్య పరిష్కారం కావాలన్నా మంత్రి కేటీఆర్ ఆదేశించాల్సిన పరిస్థితి నెలకొంది. మేయర్ సహా బల్దియా ఆఫీసర్లు మంత్రి ట్వీట్చేసే దాకా పట్టించుకోవట్లేదు. ఇక కార్పొరేటర్లు కేవలం పాలకమండలి సమావేశాలకే పరిమితం అవుతున్నారు. పార్కులు, చెరువులు, చెత్త, స్ట్రీట్ లైట్లు, నాలాలు, రోడ్లు ఇలా ప్రతీ సమస్య కేటీఆర్ ట్విట్టర్లో ఆదేశిస్తేనే పరిష్కారం అవుతోంది. అదే సమస్యను ముందుగా జీహెచ్ఎంసీ ఆఫీసర్లకు చెప్పుకున్నా పట్టించుకోవడం లేదు. దీంతో సిటిజన్స్ వాళ్ల ఏరియాలో ఫేస్చేస్తున్న ప్రాబ్లమ్స్ను నేరుగా ట్విట్టర్ ద్వారా మంత్రి దృష్టికి తీసుకెళ్తున్నారు. ఫొటోలు పోస్ట్చేసి స్పందించాలని కోరుతున్నారు. కొన్నింటిపై స్పందిస్తున్న కేటీఆర్.. మేయర్, కార్పొరేటర్లు, బల్దియా ఆఫీసర్లను ట్యాగ్చేసి సాల్వ్చేయాలని ఆదేశిస్తున్నారు. ఇటీవల లంగర్ హౌస్ లోని హుడాపార్కు, చెరువులో చెత్త పేరుకుపోయిందని మహ్మద్నవీద్అనే సిటిజన్ మంత్రికి ట్వీట్పెట్టాడు. స్పందించిన కేటీఆర్ సమస్యను పరిష్కరించమని ఈ నెల 13న మేయర్ గద్వాల్ విజయలక్షిని ట్యాగ్చేసి ఆదేశించారు. 17న పార్కుని విజిట్చేసి పార్కుతో పాటు చెరువు బ్యూటిఫికేషన్ చేపడుతున్నట్లు మేయర్ట్విట్టర్ద్వారా కేటీఆర్కు తెలిపారు. ఇదే అంశంపై ఈనెల 27న ఆఫీసర్లతో సమీక్ష నిర్వహించారు. మంత్రి కేటీఆర్సమస్యలపై ట్వీట్చేస్తే తప్ప పరిష్కరించాలనే సోయి ఉండట్లేదని జనం విమర్శిస్తున్నారు.
మరింత పెరిగినయ్
ఇలా గ్రేటర్లోని సమస్యలపై మంత్రి కేటీఆర్కి రోజురోజుకు ట్వీట్లు పెరుగుతున్నాయి. లోకల్గా పరిష్కారం లభించకపోవడంతో ప్రతిదాన్ని మంత్రి దృష్టికి తీసుకెళ్తున్నారు. కిందిస్థాయి ఆఫీసర్లు చేసే పనులు మంత్రి దాకా పోతున్నా ఆఫీసర్లలో చలనం ఉండట్లేదు. గ్రీవెన్స్ సెల్కి వస్తున్న సమస్యలపై పెద్దగా ఫోకస్పెట్టడం లేదు. ఎప్పటికప్పుడు10 వేలకు పైగా కంప్లయింట్స్పెండింగ్లోనే ఉంటున్నాయి. వాటిపై ఫోకస్ పెడితే కేటీఆర్కి సగం ట్వీట్లు తగ్గే అవకాశం ఉంది.
‘‘ఫతేనగర్లో ఓ మహిళ ఫుట్పాత్పై ఉంటోందని ఓ ఫౌండేషన్ వారు ట్విట్టర్ ద్వారా మంత్రి కేటీఆర్కి చెప్పగా ఆయన స్పందించారు. కూకట్ పల్లి జోనల్ కమిషనర్కి ట్యాగ్ చేస్తూ రీట్వీట్ చేశారు. దగ్గరలోని షెల్టర్ హోంకి మహిళని తరలించాలని ఆదేశించారు. స్పందించిన ఆఫీసర్లు ఆమెను షెల్టర్కు తరలించారు. జోనల్ కమిషనర్ ఆ విషయాన్ని మంత్రి కేటీఆర్కు తెలియజేస్తూ ఫొటోలు తీసి ట్వీట్చేశారు.’’
ట్విట్టర్ లోనే పాలన
మంత్రి కేటీఆర్ కి ట్వీట్ చేస్తే తప్ప సిటీలో పనులు జరగట్లేదు. ఇలాంటి పరిస్థితి ఎందుకు వచ్చిందో మంత్రి, ఆఫీసర్లు ఆలోచించుకోవాలి. చెత్త తరలింపు, స్ట్రీట్ లైట్లు నిర్వహణ, నాలాలు క్లీనింగ్ ఇలా ప్రతీది కేటీఆర్ ఆదేశిస్తేనే జరుగుతున్నట్లు కనిపిస్తుంది. పాలన అంతా ట్విట్టర్ ద్వారానే కొనసాగుతోంది. సామాన్యులు ట్విట్టర్ యూజ్ చేయరని మంత్రి గుర్తించాలి. సిటీలోని సమస్యలకు శాశ్వత పరిష్కారం చూపాలి.
– తోకల శ్రీనివాస్ రెడ్డి, మైలార్ దేవ్ పల్లి కార్పొరేటర్
