- భద్రాద్రికొత్తగూడెం కలెక్టర్ జితేశ్
భద్రాద్రికొత్తగూడెం, వెలుగు : పాల్వంచలోని డాక్టర్ మన్మోహన్ సింగ్ ఎర్త్ సైన్సెస్ యూనివర్సిటీ ప్రారంభోత్సవ ఏర్పాట్లు ఘనంగా ఉండాలని సంబంధిత అధికారులను కలెక్టర్జితేశ్వి పాటిల్ఆదేశించారు. ఎస్పీ బి. రోహిత్ రాజుతోపాటు ఆయా శాఖల జిల్లా ఆఫీసర్లతో కలిసి సీఎం పర్యటన ఏర్పాట్లను ఆయన శనివారం పరిశీలించారు.
అనంతరం యూనివర్శిటీ కాన్ఫరెన్స్హాల్లో ఏర్పాటు చేసిన సమావేశంలో మాట్లాడారు. వచ్చే నెల 2న మధ్యాహ్నం 2 గంటలకు సీఎం కలెక్టరేట్కు హెలీకాప్టర్ ద్వారా చేరుకుంటారని, అక్కడి నుంచి యూనివర్సిటీ వద్దకు రోడ్డు మార్గం ద్వారా వస్తారని చెప్పారు. వీవీఐపీల ట్రాన్స్పోర్టు కోసం మినీ బస్సులను ఏర్పాటు చేయాలని పాల్వంచ తహసీల్దార్ను ఆదేశించారు.
మైనింగ్ కాలేజీ ఏర్పాటుతో పాటు మైనింగ్ కాలేజీ ఎర్త్ సైన్సెస్ యూనివర్సిటీ ఏర్పాటు వరకు ఫొటో ఎగ్జిబిషన్ ఏర్పాటు చేయాలని యూనివర్సిటీ ప్రిన్సిపాల్కు సూచించారు. అత్యవసర వైద్య సేవల కోసం వైద్య శిబిరాలు ఏర్పాటు చేయాలన్నారు. ఇతర సౌకర్యల్లో కూండా ఎలాంటి ఇబ్బందులుండా చూడాలన్నారు.
ప్రజలు, మీటింగ్కు వచ్చే స్టూడెంట్స్ భోజన సదుపాయం కల్పించాలని చెప్పారు. పబ్లిక్ మీటింగ్ జరిగే సభా వేదిక ప్రాంతంలో పుట్టగొడగుల పెంపకం, సోలార్ డ్రైయర్, లైవ్లీహుడ్ స్టాల్స్ ఏర్పాటు చేయాలన్నారు. ఎస్పీ బి. రోహిత్ రాజు మాట్లాడుతూ సీఎం పర్యటన సందర్భంగా భారీ పోలీస్ బందోబస్తు ఏర్పాటు చేస్తున్నామన్నారు.
డాగ్ స్క్వాడ్స్తో తనిఖీలు చేయాలని పోలీస్ అధికారులను ఆదేశించారు. ఇంటిలిజెన్స్, ట్రాఫిక్, లా అండ్ ఆర్డర్ విభాగాల అధికారులు సమన్వయంతో సీఎం పర్యటనను సక్సెస్ చేయాలన్నారు. ఈ సమావేశంలో అడిషనల్ కలెక్టర్ డి. వేణుగోపాల్, పలు శాఖల ఆఫీసర్లు పాల్గొన్నారు.
