గుంటూరు : లైఫ్ ఈజ్ బ్యూటిఫుల్ హీరో సుధాకర్ కోమకుల కారు ఢీకొట్టడంతో ఓ మహిళ చనిపోయింది. ఈ ప్రమాదంలో హీరో సుధాకర్ గాయలపాలయ్యాడు. ఆంధ్రప్రదేశ్‌లోని గుంటూరు జిల్లాలో శనివారం ఈ ప్రమాదం జరిగింది. మంగళగిరి మండలం చినకాకాని దగ్గర వేగంగా వెళ్తున్న హీరో సుధాకర్ కోమకుల కారు.. జాతీయ రహదారిపై వాటర్ ట్యాంక్టర్ బలంగా ఢీకొట్టింది. ఈ ప్రమాదంలో ట్రాక్టర్ వెనకా ట్యంకర్ తో చెట్లకు నీళ్లు పడుతున్న మహిళ అక్కడిక్కడే మృతి చెందగా.. హీరోకు గాయాలయ్యాయి.
సుధాకర్ లేటెస్ట్ గా హరినాథ్ బాబు దర్శకత్వంలో ‘నువ్వు తోపు రా’ అనే సినిమాలో నటించాడు. ఈ సినిమా వచ్చే నెల 3న విడుదల కానుండగా.. సినిమా ప్రమోషన్ కోసం హైదరాబాద్‌ నుంచి గుంటూరుకు వెళ్తోన్న క్రమంలో ఈ ప్రమాదం జరిగింది. సమాచారం అందుకున్న పోలీసులు ఘటనాస్థలానికి చేరుకున్న క్షతగాత్రులను ఆసుపత్రికి తరలించారు. ప్రమాదంపై కేసు నమోదు చేసుకొని దర్యాప్తు చేస్తున్నారు. మహిళ డెడ్ బాడీని పోస్ట్ మార్టమ్ కోసం హస్పిటల్ కు తరలించామని తెలిపిన ఆమె వివరాలు సేకరిస్తున్నామన్నారు.
