హిందుస్తాన్ ఏరోనాటిక్స్ లిమిటెడ్ (హెచ్ఏఎల్) డిజైన్ ట్రైనీ/ మేనేజ్ మెంట్ ట్రైనీ పోస్టుల భర్తీకి నోటిఫికేషన్ విడుదల చేసింది. ఆసక్తి, అర్హత గల అభ్యర్థులు ఆన్ లైన్ ద్వారా అప్లై చేయవచ్చు. అప్లికేషన్ సమర్పించడానికి చివరి తేదీ ఆగస్టు 14.
పోస్టు పేరు: డిజైన్ ట్రైనీ (డీటీ), మేనేజ్మెంట్ ట్రైనీ (ఎంటీ).
మొత్తం ఖాళీలు: 120.
విభాగాల వారీగా ఖాళీలు
డిజైన్ ట్రైనీ: ఏరోనాటికల్ 4, ఎలక్ట్రికల్ 7, ఎలక్ట్రానిక్స్ 20, ఇనుస్ట్రుమెంటేషన్ 3, మెకానికల్ 22, కంప్యూటర్ సైన్స్ 3, మెటలార్జీ 1.
మేనేజ్మెంట్ ట్రైనీ: ఎలక్ట్రికల్ 11, ఎలక్ట్రానిక్స్ 12, మెకానికల్ 27, కంప్యూటర్ సైన్స్ 1, మెటలార్జీ 2, ప్రొడక్షన్ 5, సివిల్ 2.
ఎలిజిబిలిటీ: గుర్తింపు పొందిన యూనివర్సిటీ నుంచి సంబంధిత విభాగంలో ఇంజినీరింగ్ లేదా టెక్నాలజీలో బ్యాచిలర్ డిగ్రీ లేదా సమాన కోర్సు పూర్తిచేసి ఉండాలి. గ్రాడ్యుయేషన్లో అన్ రిజర్వ్డ్, ఓబీసీ, ఈడబ్ల్యూఎస్ అభ్యర్థులు 70 శాతం, ఎస్సీ, ఎస్టీ, పీడబ్ల్యూబీడీ అభ్యర్థులు 60 శాతం మార్కులు సాధించి ఉండాలి.
గరిష్ట వయోపరిమితి: 2026, ఆగస్టు 14వ తేదీ నాటికి 28 ఏళ్లు మించకూడదు. ఓబీసీలకు మూడేళ్లు, ఎస్సీ, ఎస్టీలకు ఐదేళ్లు, పీడబ్ల్యూబీడీలకు పదేళ్లు, ఎక్స్ సర్వీస్మన్ అభ్యర్థులకు ఐదేళ్లు వయోపరిమితిలో సడలింపు ఉంటుంది.
అప్లికేషన్: ఆన్లైన్ ద్వారా.
అప్లికేషన్ ప్రారంభం: జులై 29.
అప్లికేషన్ ఫీజు: ఎస్సీ, ఎస్టీ, పీడబ్ల్యూబీడీలకు అప్లికేషన్ ఫీజు లేదు. ఇతరులు రూ.500 చెల్లించాలి.
లాస్ట్ డేట్: ఆగస్టు 14.
ఆన్లైన్ టెస్ట్: సెప్టెంబర్ 5, 6.
ఫలితాల వెల్లడి: సెప్టెంబర్ 10.
ఇంటర్వ్యూ తేదీలు: సెప్టెంబర్ 21 నుంచి 25 వరకు.
మెడికల్ ఎగ్జామినేషన్: అక్టోబర్ 9 నుంచి 15 వరకు.
సెలెక్షన్ ప్రాసెస్: కంప్యూటర్ బేస్డ్ టెస్ట్, ఇంటర్వ్యూ ఆధారంగా అభ్యర్థులను ఎంపిక చేస్తారు.
మరిన్ని వివరాలకు వెబ్సైట్ hal-india.co.inను సందర్శించండి.
ఎగ్జామ్ ప్యాటర్న్
ఆన్లైన్ పద్ధతిలో నిర్వహించే రాత పరీక్షలో ప్రశ్నలు మల్టిపుల్ చాయిస్ రూపంలో ఇస్తారు. మొత్తం 160 ప్రశ్నలు ఇస్తారు. 150 నిమిషాల్లో పూర్తిచేయాల్సి ఉంటుంది. పార్ట్–Iలో జనరల్ అవేర్నెస్ నుంచి 20 ప్రశ్నలు 20 మార్కులకు, పార్ట్–IIలో ఇంగ్లిష్ & రీజనింగ్ నుంచి 40 ప్రశ్నలు 40 మార్కులకు, పార్ట్–IIIలో సంబంధిత ఇంజినీరింగ్ విభాగం నుంచి 100 ప్రశ్నలు 100 మార్కులకు అడుగుతారు.
ఇంటర్వ్యూ: రాత పరీక్షలో ప్రతిభ కనబరిచిన అభ్యర్థులను బెంగళూరులో జరిగే పర్సనల్ ఇంటర్వ్యూకి ఆహ్వానిస్తారు.
వెయిటేజీ: ఫైనల్ మెరిట్ లిస్ట్ తయారీలో ఆన్లైన్ పరీక్షకు 85 శాతం, ఇంటర్వ్యూకి 15 శాతం వెయిటేజీ ఇస్తారు.
అర్హత మార్కులు: రాత పరీక్ష, ఇంటర్వ్యూ రెండింటిలోనూ అభ్యర్థులు కనీసం 50 శాతం మార్కులు సాధించాలి. రిజర్వ్డ్ కేటగిరీల అభ్యర్థులకు నిబంధనల ప్రకారం సడలింపు ఉంటుంది.
