రిలాక్స్ అవ్వడానికి చాలామంది స్పాకి వెళ్తుంటారు. వీకెండ్స్లో వెళ్తూ బాడీ, మైండ్ని రిలాక్స్ చేసుకుంటారు. అయితే ఈ కరోనా భయంతో బయట స్పాలు తెరిచి ఉన్నా, అక్కడికి వెళ్లేందుకు మాత్రం ఇంకా భయపడుతున్నారు. కానీ, స్పాకి వెళ్లాలనిపిస్తుంది. అలాంటి వాళ్లు పెద్దగా శ్రమ, ఖర్చు లేకుండానే.. తమ ఇంటి బాత్రూమ్ని స్పాగా మార్చుకోవచ్చు.
అరోమా థెరపీ ఆయిల్స్
బయట స్పాలోకి అడుగుపెట్టగానే, ఒకరకమైన సువాసన మనసును తేలికపరుస్తుంది. అందువల్ల ఇంటి బాత్రూమ్లో డిఫ్యూజర్ని పెట్టుకోవాలి. అలాగే లావెండర్, హెంప్ సీడ్, రోజ్, యూకలిప్టస్, స్ట్రాబెర్రీ వంటి అరోమా థెరపీ ఆయిల్స్ తెచ్చుకోవాలి. కావాల్సినప్పుడల్లా నాలుగైదు చుక్కలు ఈ అరోమాథెరపీ ఆయిల్ని డిఫ్యూజర్లో వేయాలి. వీటివల్ల వచ్చే సువాసన అలసిన శరీరానికి, మనసుకు రిలాక్సేషన్ అందిస్తుంది.
బాత్ టబ్
స్పా ఎక్స్పీరియెన్స్ కావాలంటే బాత్రూమ్లో.. బాత్ టబ్ను తెచ్చిపెట్టుకోవాలి. అలాగే టబ్ వాటర్లో నచ్చిన పూరేకులను వేసుకోవచ్చు. అలాగే చల్ల నీళ్లకు బదులు గోరువెచ్చని నీళ్లు పోసుకుని, ఆ టబ్లో కాసేపు రిలాక్స్ అవ్వచ్చు.
ఇండోర్ ప్లాంట్స్
బాత్రూమ్ రెగ్యులర్గా కాకుండా కాస్తంత స్పెషల్గా కనిపించాలంటే.. రెండు, మూడు చిన్నసైజు టేబుల్ ప్లాంట్స్ పెట్టుకోవాలి. ఈమధ్య ఇంటీరియర్ డెకరేషన్లో ఇండోర్ ప్లాంట్స్పై చాలామంది ఆసక్తి చూపుతున్నారు. అలా బాత్రూమ్లో కూడా సువాసన వెదజల్లే, లేదా అందంగా కనిపించే మొక్కల కుండీలు పెట్టుకుంటే స్పా ఎక్స్పీరియెన్స్ కలుగుతుంది.
బాత్ బామ్స్?
స్పా ఫీలింగ్తో పాటు బాడీ, స్కిన్కి మంచి రిలాక్సేషన్ కావాలంటే బాత్ బాంబ్స్ బెస్ట్ ఆప్షన్. వీటిని నీళ్లలో వేయగానే కరిగిపోతాయి. అప్పుడు దాంట్లోంచి సిట్రిక్ యాసిడ్ రిలీజై చర్మంపై ఉన్న మృతకణాలను తొలగిస్తుంది. అలాగే అందులోని హైడ్రేటింగ్ ఆయిల్స్ చర్మాన్ని మాయిశ్చరైజ్ చేస్తాయి. నీళ్లు కలర్ఫుల్గా మారడంవల్ల చాలామంది దాన్ని ఎంజాయ్ చేస్తారు.
క్యాండిల్స్
బాత్రూమ్కి స్పా లుక్ తెచ్చేందుకు ఈ క్యాండిల్స్ బాగా ఉపయోగపడతాయి. బాత్రూమ్లో రెగ్యులర్గా వాడే బల్బ్కి బదులు చిన్నిచిన్న క్యాండిల్స్ పెడితే.. మనసు ఆహ్లాదంగా ఉంటుంది. పైగా రెగ్యులర్గా వాడే ఎల్ఈడీ, ఇన్క్యాండిసెంట్ బల్బులు కళ్ల ఆరోగ్యాన్ని దెబ్బతీస్తాయి కాబట్టి క్యాండిల్స్ ఆవిధంగానూ మంచి చేస్తాయి.
