దర్శకుడు వి.ఎన్.ఆదిత్యను అమెరికాలోని జార్జ్ వాషింగ్టన్ యూనివర్సిటీ ఆఫ్ పీస్ గౌరవ డాక్టరేట్‌‌తో సత్కరించింది. మనసంతా నువ్వే, నేనున్నాను లాంటి ఫ్యామిలీ ఎంటర్‌‌‌‌టైనర్స్‌‌తో మెప్పించిన ఆయన.. గత పాతికేళ్లుగా తెలుగు చిత్రపరిశ్రమలో దర్శకుడిగా తనకంటూ ఓ ప్రత్యేకత సంపాదించుకున్నారు. ఇటీవల బెంగళూర్‌‌‌‌లో జరిగిన అంతర్జాతీయ పీస్ కాన్ఫరెన్స్‌‌లో వివిధ రంగాలలోని ప్రముఖులకి గౌరవ డాక్టరేట్‌‌లను ప్రదానం చేసింది. అందులో సినిమా రంగం నుండి వీఎన్ ఆదిత్య డాక్టరేట్ అందుకున్నారు.
ఈ సందర్భంగా ఆయన మాట్లాడుతూ ‘దీన్ని మా అమ్మగారికి అంకితం ఇస్తున్నా. నేను ఎంతగానో ఇష్టపడిన సినీ రంగంలో డాక్టరేట్ పొందడం.. నాతో పాటు మా అమ్మకు సంతోషాన్ని ఇచ్చే విషయం’ అన్నారు. నీతి ఆయోగ్ ఐఈఎస్ సలహాదారు శివప్ప ఈ కార్యక్రమానికి ముఖ్య అతిథిగా విచ్చేశారు. అలాగే సెక్రటరీ జనరల్ డాక్టర్ శ్రీనివాస్ ఏలూరి, జార్జ్ వాషింగ్టన్ యూనివర్సిటీ ఆఫ్ పీస్ డైరెక్టర్ నీలమణి, నేషనల్ ఎస్‌‌సీ, ఎస్టీ కమిషన్ సభ్యుడు దినేష్ గురూజీ అతిథులుగా పాల్గొన్నారు.
