వాషింగ్టన్: లాటరీ కొట్టాలి, ఓవర్నైట్లో కోటీశ్వరులైపోవాలని చాలామందికి ఉంటుంది. కానీ, అదృష్టం కొందరినే వరిస్తుంది. అయితే, ఆ అదృష్టాన్ని నమ్ముకోకుండా లాటరీ టికెట్ నంబరింగ్ లోని ఓ చిన్న లాజిక్తో దాదాపు రూ.200 కోట్ల దాకా సంపాదించింది అమెరికాకు చెందిన ఓ వృద్ధ జంట.
లాటరీ నంబరింగ్ లో లూప్హోల్ పట్టేసి..
మిచిగాన్లోని ఇవార్ట్ ప్రాంతానికి చెందిన జెర్రీ(80), మార్జ్ సెల్బీ(81) తమ జీవితకాలమంతా ఓ షాప్ నడిపి 60లలో రిటైర్ అయ్యారు. 2003లో సెల్బీ.. ‘విన్ఫాల్’ అనే కొత్త లాటరీ గేమ్కు సంబంధించిన బ్రౌచర్ను చూసి.. ఎలాగైనా అందులో జాక్పాట్ కొట్టాలనుకున్నాడు. చిన్నప్పటి నుంచే మ్యాథమెటిక్స్ లో మస్తు తోపు అయిన సెల్బీ.. అందులో రిస్క్ రివార్డ్ ను కౌంట్ చేసి విన్నింగ్ టికెట్ ఏదో కనిపెట్టాడు. అదేంటంటే.. విన్ఫాల్ గేమ్లో జాక్పాట్ 5 మిలియన్ డాలర్లకు చేరుకుని ఎవ్వరూ గెలవకపోతే, మిగతా టికెట్లలో విన్నింగ్ నంబర్లు ఎక్కువగా మ్యాచ్ అయినోళ్లకే ఆ మొత్తం అమౌంట్ షేర్ అవుతుంది. ఈ లూప్హోల్ను గుర్తించిన సెల్బీ.. తాను ఎన్ని టికెట్లు కొంటే తనకు కలిసివస్తుందో లెక్కలేసిండు.
1,100 టికెట్లపై 1100 డాలర్లు పెడితే.. వాటిలో వెయ్యి డాలర్లు గెలిచే 4 అంకెల విన్నింగ్ నంబర్ల టికెట్లలో ఒక్కటైనా తనకు తగిలే ప్రాబబులిటీ ఉంటుందని సెల్బీ అంచనా వేశాడు. అలాగే, 50 డాలర్ల లాటరీ టికెట్లలో 3 నంబర్లు మ్యాచ్ అయ్యే టికెట్లు కూడా 18 నుంచి 19 టికెట్లు తనకు రావొచ్చని ఎస్టిమేషన్ వేశాడు. మొత్తానికి 1,100 డాలర్లు పెట్టి 1,900 డాలర్లు గెలవచ్చని కన్ఫామ్ చేసుకున్నాడు. ఆ ప్రకారంగా కొనుగోలు చేయగా మొదటిసారి తాను పెట్టిన 3,600డాలర్లకు 6,300 డాలర్లు గెలిచాడు. అదే అంచనాలతో మరోసారి 8 వేల డాలర్లు పెట్టి 16 వేల డాలర్లు గెలిచాడు.
సెల్బీ ఇక అక్కడితో ఆగలేదు.. 9 ఏండ్లలో 26 మిలియన్ డాలర్లు అంటే మన రూపాయల్లో 200 కోట్లు సంపాదించాడు. ఈ జంట స్టోరీతో ‘జెర్రీ అండ్ మార్జ్ .. గో లార్జ్’ పేరిట సినిమా కూడా వచ్చింది.
