ఐ ఫోన్లో బ్యాక్గ్రౌండ్లో పాటలు వింటూ వీడియో రికార్డింగ్ చేయడం కుదరదు. ఎందుకంటే... వీడియో మోడ్ ఆన్ చేయగానే ఆటోమెటిక్గా మ్యూజిక్ ఆగిపోతుంది. వీడియో ఆన్ ఉన్నంత వరకు బ్యాక్గ్రౌండ్లో మ్యూజిక్ ప్లే కాదు. దాంతో వీడియోలకి బ్యాక్గ్రౌండ్ మ్యూజిక్ సెట్ చేయడం కష్టమవుతుంది. అలాంటప్పుడు ఏం చేయాలంటే...
ఐ ఫోన్లో మ్యూజిక్ ప్లే చేసి, కెమెరా యాప్ ఓపెన్ చేయాలి. నేరుగా వీడియో మోడ్లోకి వెళ్లకుండా ఫొటో సెక్షన్లోనే కెమెరా మోడ్లో ఉంచాలి. బ్యాక్గ్రౌండ్లో మ్యూజిక్ ప్లే అవుతుందా? లేదా? చూసుకోవాలి. ఇప్పుడు వైట్ షట్టర్ ఐకాన్ని ప్రెస్ చేసి ఫొటోలు తీయాలి. షట్టర్ ఐకాన్ని అలాగే నొక్కి పట్టుకొని, దాన్ని స్క్రీన్కి కుడివైపు తీసుకొస్తే లాక్ అవుతుంది. అప్పుడు బ్యాక్గ్రౌండ్లో మ్యూజిక్ ప్లే అవుతుంటే వీడియో రికార్డింగ్ చేయొచ్చు. రికార్డింగ్ అయిపోగానే స్క్రీన్ మధ్యలో ఉన్న రెడ్ బటన్ నొక్కితే వీడియో సేవ్ అవుతుంది.
ఫేస్ ఐడీ విత్ మాస్క్
ఐ ఫోన్ వాడేవాళ్లలో కొందరు ఫేస్ ఐడీ అన్లాకింగ్ పెట్టుకుంటారు. అయితే, ఈ కరోనా టైమ్లో మాస్క్ తప్పనిసరి కావడంతో వీళ్లకు ఫోన్ అన్లాక్ చేయడం పెద్ద సమస్య అయింది. మాస్క్ పెట్టుకున్నప్పుడు బయోమెట్రిక్ రికగ్నిషన్ కొంచెం కష్టమే. అలాంటివాళ్లకు గుడ్న్యూస్.... మాస్క్ పెట్టుకున్నా కూడా ఫోన్ని అన్లాక్ చేసే ఫీచర్ తీసుకొచ్చే పనిలో ఉంది యాపిల్. కొత్తగా రానున్న ఐఓఎస్ 15 అప్డేట్లో ఈ ఫీచర్ అందుబాటులోకి తేనుంది. ‘అందుకోసం కొత్తగా ఒక ఆల్గారిథమ్ని డెవలప్ చేసింది. దాని సాయంతో కళ్ల మీదనే ఫోకస్ చేసి, ఫోన్ని అన్లాక్ చేసే ఫీచర్ తీసుకురానుంది. ఇప్పటికైతే ఫేస్ ఐడీ విత్ మాస్క్ ఫీచర్ టెస్టింగ్ స్టేజ్లో ఉంది.