మనం ప్రతి రెసిపీలో అల్లం వెల్లుల్లి పేస్ట్ మ వేస్తాం. అందుకే, వంటింట్లో ఈ పేస్ట్ తప్పకుండా ఉంటుంది. ఈ పేస్ట్ ను చాలామంది ఇంట్లోనే తయారుచేసుకుంటారు. అయితే, ఒక్కోసారి అల్లం వెల్లుల్లి పేస్ట్ వారం పదిరోజులకే పాడవుతుంది. అల్లం వెల్లుల్లి పేస్ట్ ఆరు నెలల వరకు ఫ్రెష్ గా ఉండాలంటే ఏం చేయాలి.. ఎలా తయారు చేయాలి.. ఏమేమి కావాలి..
అల్లం.. వెల్లుల్లి పేస్ట్ తయారీకి కావాల్సినవి
- అల్లం-150 గ్రాములు
- వెల్లుల్లి- 250 గ్రాములు
- ఉప్పు- తగినంత
- నూనె - మూడు టేబుల్ స్పూన్లు
తయారీ విధానం: అల్లాన్ని శుభ్రం చేసి తోలు తీసేయాలి. అలాగే, వెల్లుల్లి రెబ్బల పొట్టు తీసి రెడీగా పెట్టుకోవాలి. అల్లంని చిన్న ముక్కలుగా కట్ చేసి, మిక్సీ పట్టాలి. ఆ తర్వాత వెల్లుల్లి రెబ్బల్ని మిక్సీలో పేస్ట్ చేయాలి. ఉప్పు, నూనె వేసి మళ్లీ ఒకసారి మిక్సీ పట్టాలి. ఈ రెండూ అల్లం వెల్లుల్లి పేస్ట్ ను ఎక్కువ రోజులు తాజాగా ఉంచుతాయి. అల్లం వెల్లుల్లి పేస్ట్ ని ప్లాస్టిక్ డబ్బాల్లో కాకుండా గాలి చొరబడని గాజు బాటిల్ లో నిల్వ చేయాలి. ఈ బాటిల్ ను ఫ్రిజ్ లో పెడితే దాదాపు ఐదు నెలలు అల్లం వెల్లుల్లి పేస్ట్ పాడవదు. ఫ్రీజర్ లో పెడితే ఆరు నెలలు ఫ్రెష్ గా ఉంటుంది
►ALSO READ | Vastu Tips: ఇంట్లో ఎలాంటి మొక్కలు పెంచుకోవాలి.. ప్రహరీ గోడను ఎంత ఎత్తులో కట్టుకుంటే మంచిది..
