చుండ్రు తల్లోనే ఉంటుంది అనుకుంటే పొరపాటు, కనుబొమ్మలకి కూడా చుండ్రు వస్తుంది. కెమికల్స్ తో నిండిన బ్యూటీ ప్రొడక్ట్స్ ఎక్కువగా వాడటం, చర్మం పొడిబారడం, అటోపిక్, సోరియాసిస్ లాంటి స్కిన్ ప్రాబ్లమ్స్ వల్ల ఈ సమస్య వస్తుందని చెప్తోంది కాస్మటిక్ డెర్మటాలజిస్ట్, డెర్మటో సర్జన్ రింకీ కపూర్. కనుబొమల చుంద్రుని ఎలా గుర్తించాలో కూడా చెప్పిందామె.
లక్షణాలు:
- కనుబొమల చుట్టూ ఉండే చర్మం బాగా దురద పెడుతుంది.
- కనుబొమలు దగ్గరి చర్మం తెలుపు-పసుపు రంగులో మారి.. పొలుసులుగా అవుతుంది.
- ముఖంతో పాటు శరీరంలోని వివిధ భాగాల్లో దద్దుర్లు వస్తాయి.
- కనుబొమలు పొలుసులుగా కనిపిస్తాయి.
- చర్మం జిడ్డుగా అవుతుంది.
- హైపర్ పిగ్మెంటేషన్ సమస్య కనిపిస్తుంది.
ఈ లక్షణాలు అన్నీ ఉంటే డెర్మటాలజిస్టుని కలిసి అవసరమైన టెస్టులు చేయించుకోవాలి. కలబంద గుజ్జు, వేప, బాదం నూనె రాసి ఈ సమస్య నుంచి బయటపడొచ్చు. ఈ సమస్య రాకుండా ఉండాలంటే కనుబొమలకి ఎప్పుటి కప్పుడు మాయిశ్చరైజర్ రాస్తుండాలి. గాఢత తక్కువ ఉన్న స్క్రబ్ తో వారానికోసారైనా ఐబ్రోని కడగాలి. అన్నింటికీ మించి కనుబొమలకి ఎండ తగలకుండా సన్ స్క్రీన్ రాసుకో వాలని చెప్తోంది రింకీ కపూర్.
►ALSO READ | 50 ఏండ్ల వయసులోనూ దృఢంగా ఉండటానికి ఈ సింపుల్ ఎక్సర్సైజ్స్ ట్రై చేయండి!
