పద్మారావునగర్, వెలుగు: బోరబండ గవర్నమెంట్ జూనియర్ కాలేజీలో మౌలిక వసతుల కొరతపై రాష్ట్ర మానవ హక్కుల కమిషన్ కీలక ఆదేశాలు జారీ చేసింది. న్యాయవాది రామారావు ఇమ్మానేని దాఖలు చేసిన పిటిషన్పై కమిషన్ చర్యలు చేపట్టింది. తక్షణమే బోరబండ కాలేజీలో టాయిలెట్ల రిపేర్లు, శుభ్రతకు కార్మికుల కేటాయింపు, లెక్చరర్ల సంఖ్య పెంపు, తాగునీటి సదుపాయాల వంటి మౌలిక వసతులు కల్పించాలని సంబంధిత అధికారులను ఆదేశించింది.
