- ఫస్ట్ ఇయర్లో రంగారెడ్డి జిల్లాకు స్టేట్ ఫస్ట్, మేడ్చల్కు సెకండ్ ర్యాంకులు
- సెకండ్ ఇయర్లో మేడ్చల్కు సెకండ్, రంగారెడ్డికి థర్డ్ ర్యాంకులు
హైదరాబాద్, వెలుగు : ఇంటర్మీడియట్ ఫలితాల్లో గ్రేటర్ స్టూడెంట్లు సత్తా చాటారు. రంగారెడ్డి, మేడ్చల్–మల్కాజిగిరి జిల్లాల స్టూడెంట్లు స్టేట్ ర్యాంకులు సాధించారు. హైదరాబాద్జిల్లా స్టూడెంట్లు పర్వాలేదనిపించారు. ఫస్ట్ఇయర్ఫలితాల్లో రంగారెడ్డి జిల్లా రాష్ట్రంలోనే టాప్ ప్లేస్లో నిలిచింది. మేడ్చల్ జిల్లాకు రెండో స్థానం దక్కించుకుంది. సెకండ్ఇయర్ ఫలితాల్లో మేడ్చల్జిల్లా రాష్ట్రంలో రెండో స్థానంలో నిలవగా, రంగారెడ్డి జిల్లా మూడో స్థానం దక్కించుకుంది. మూడు జోన్లు కలిపి హైదరాబాద్జిల్లా ఫస్ట్ఇయర్ లో 10 స్థానం, సెకండ్ఇయర్లో13వ స్థానంలో నిలిచింది.
వికారాబాద్జిల్లా ఫస్ట్ఇయర్లో 22వ స్థానం, సెకండ్ ఇయర్ ఫలితాల్లో 27వ స్థానంలో నిలిచింది. ఫస్ట్ ఇయర్ ఫలితాల్లో 71.70 శాతం ఉత్తీర్ణతతో రంగారెడ్డి జిల్లా రాష్ట్రంలోనే టాప్ప్లేస్లో నిలిచింది. 71.58 శాతంతో మేడ్చల్జిల్లా రెండో స్థానంలో నిలిచింది. హైదరాబాద్జిల్లా 59.90 శాతంతో పదో స్థానం దక్కించుకుంది. వికారాబాద్జిల్లాలో 53.11శాతం మంది పాస్ అయ్యారు. అలాగే సెకండ్ఇయర్ఫలితాల్లో 79.31 శాతం ఉత్తీర్ణతతో మేడ్చల్జిల్లా రాష్ట్రంలో రెండో స్థానంలో, రంగారెడ్డి జిల్లా 77.63 శాతంతో మూడో స్థానంలో నిలిచింది. హైదరాబాద్లోని మూడు జోన్ల పరిధిలో 65.85 శాతం మంది, వికారాబాద్ జిల్లాలో 61.08 శాతం మంది పాస్అయ్యారు.
అమ్మాయిలదే హవా..
ఇంటర్ఫస్ట్, సెకండ్ఇయర్ఫలితాల్లో అమ్మాయిలే పైచేయి సాధించారు. ఫస్ట్ఇయర్లో.. మేడ్చల్ జిల్లాలో 77.46 శాతం మంది అమ్మాయిలు, 66.66 శాతం అబ్బాయిలు పాస్అయ్యారు. రంగారెడ్డి జిల్లాలో 76.74 శాతం మంది అమ్మాయిలు, 67.18 శాతం మంది అబ్బాయిలు ఉత్తీర్ణత సాధించారు. హైదరాబాద్లో 68.30 శాతం మంది బాలికలు, 51.49 శాతం మంది బాలురు, వికారాబాద్లో 61.75 శాతం మంది బాలికలు, 43.23 శాతం మంది బాలురు పాస్ అయ్యారు. సెకండ్ఇయర్లో మేడ్చల్జిల్లాలో 83.47 శాతం మంది అమ్మాయిలు, 75.87 శాతం మంది అబ్బాయిలు పాస్అయ్యారు.
రంగారెడ్డిలో 81.57 శాతం అమ్మాయిలు, 74.04 శాతం అమ్బాయిలు, హైదరాబాద్జిల్లాలో 73.67శాతం మంది అమ్మాయిలు, 57.67 శాతం మంది అబ్బాయిలు, వికారాబాద్జిల్లాలో 68.25 అమ్మాయిలు, 53.59 శాతం మంది అబ్బాయిలు ఉత్తీర్ణత సాధించారు. అలాగే ఒకేషనల్కోర్సుల్లో ఫస్ట్ఇయర్లో హైదరాబాద్జిల్లాలో 56.14 శాతం, రంగారెడ్డిలో 50.81 శాతం, మేడ్చల్ లో 54.03 శాతం, వికారాబాద్లో 52.85 శాతం విద్యార్థులు ఉత్తీర్ణులయ్యారు. సెకండ్ఇయర్లో హైదరాబాద్లో 69.32 శాతం, రంగారెడ్డిలో 62.02 శాతం, మేడ్చల్లో 66.8 శాతం, వికారాబాద్లో 67.55 శాతం విద్యార్థులు పాస్ అయ్యారు.
మేడ్చల్, రంగారెడ్డి జిల్లాల్లో మంచి ఫలితాలు
జిల్లాల వారీగా ఉత్తీర్ణత శాతం (ఫస్ట్ఇయర్)
జిల్లా అబ్బాయిలు అమ్మాయిలు మొత్తం
హైదరాబాద్ 51.49 68.30 59.90
రంగారెడ్డి 67.18 76.74 71.70
మేడ్చల్ 66.66 77.46 71.58
వికారాబాద్ 43.23 61.75 53.11
జిల్లాల వారీగా ఉత్తీర్ణత శాతం (సెకండ్ ఇయర్)
జిల్లా అబ్బాయిలు అమ్మాయిలు మొత్తం
హైదరాబాద్ 57.67 73.67 65.85
రంగారెడ్డి 74.04 81.57 77.63
మేడ్చల్ 75.87 83.47 79.31
వికారాబాద్ 53.59 68.25 61.08