హైదరాబాద్, వెలుగు: ఇండో అమెరికన్ చాంబర్ ఆఫ్ కామర్స్ (ఐఏసీసీ) హైదరాబాద్లో శుక్రవారం డిజిటల్ ఇన్ఫ్రాస్ట్రక్చర్ సదస్సు నిర్వహించింది. వంద మందికి పైగా వ్యాపార, సాంకేతిక రంగ నిపుణులు హాజరయ్యారు.
భారత్లో ఏఐ డిజిటల్ వృద్ధికి అవసరమైన మౌలిక వసతుల కల్పనపై చర్చించారు. ఐఏసీసీ ఆంధ్రప్రదేశ్ తెలంగాణ శాఖ ఈ కార్యక్రమాన్ని నిర్వహించింది. కంట్రోల్ ఎస్ డేటాసెంటర్స్ భాగస్వామ్యంతో సదస్సు జరిగింది. అమెరికా కాన్సుల్ జనరల్ లారా విలియమ్స్ ముఖ్య అతిథిగా పాల్గొని ప్రసంగించారు.
డేటా కేంద్రాలు, సైబర్ భద్రత, గ్రీన్ ఎనర్జీ అంశాలపై నిపుణులు తమ అభిప్రాయాలను పంచుకున్నారు. హైదరాబాద్ నగరం సాంకేతిక రంగంలో వేగంగా అభివృద్ధి చెందుతోందని, భవిష్యత్తులో డిజిటల్ రంగ పెట్టుబడులకు గొప్ప అవకాశాలు ఉన్నాయని వివరించారు.
