యూపీలో బీజేపీ మంత్రి రతన్ కుష్వాహా వివాదాస్పద వ్వాఖ్యలు చేశారు. తమ పార్టీ కార్యకర్తలను గౌరవించని అధికారులను షూ తో కొట్టాలని కార్యకర్తలతో అన్నారు. ఎస్పీ, బీఎస్పీ పార్టీ సిద్ధాంతాలపై మొగ్గు చూపే అధికారులు తీవ్ర పరిణామాలు ఎదుర్కోవాల్సి ఉంటుందని ఈ సందర్భంగా హెచ్చరించారు.
ఎవరైనా ప్రభుత్వాధికారులు పార్టీకి చెందిన కార్యకర్తలను గౌరవించకుంటే.. షూ తో వారి చెంప పగలగొట్టాలని అన్నారు. గతంలో కొందరు పోలీసులు, అధికారులు తమతో అమర్యాదగా ప్రవర్తించారని, అందుకే వారిపై ఇంత కఠినంగా మాట్లాడుతున్నానని తనను తాను సమర్ధించుకున్నారు కుష్వాహా.
