‘ది ప్యారడైజ్‌’ సినిమాతో ఇటీవల తెలుగు ప్రేక్షకులను పలకరించింది కయాదు లోహార్. రీసెంట్‌‌గా ఈ మూవీ నెట్‌ ఫ్లిక్స్‌‌లో స్ట్రీమింగ్‌‌కు వచ్చింది. ఇక తను హీరోయిన్‌‌గా నటించిన మరో సినిమా కూడా ఓటీటీ స్ట్రీమింగ్‌‌కు రెడీ అయింది. జీవీ ప్రకాష్ కుమార్‌‌‌‌కు జంటగా ఆమె నటించిన తమిళ చిత్రం ‘ఇమ్మోర్టల్’. మారియప్పన్‌ చిన్నా డైరెక్ట్ చేసిన ఈ హారర్ థ్రిల్లర్‌ సోనీలివ్‌ ఓటీటీలో అక్టోబర్ 30 నుంచి స్ట్రీమింగ్‌ కాబోతోంది. తమిళంతో పాటు తెలుగు, కన్నడ, మలయాళ, హిందీ భాషల్లో అందుబాటులోకి వస్తోంది.
హారర్ స్టోరీకి ఫాంటసీ ఎలిమెంట్స్‌ జోడించిన ఈ చిత్రంలో సింధు అనే పాత్రలో కయాదు నటించింది. ఇక ఈ చిత్రం కథ విషయానికొస్తే.. ప్రింటింగ్‌ ప్రెస్‌‌లో పనిచేస్తూ తక్కువ అద్దెకు ఓ గది కోసం వెతుకుతున్న మ్యాగీ (జీవీ ప్రకాష్)కి సింధు పరిచయమై షేరింగ్ ఫ్లాట్ గురించి చెబుతుంది.
రిచ్‌ అపార్ట్‌‌మెంట్‌ తక్కువ అద్దెకు రావడంతో ఆమెతో ఫ్లాట్ షేర్ చేసుకుంటాడు. అయితే ఆ తర్వాత జరిగే సంఘటనలు, సింధు గురించి తెలిసిన రహస్యం అతన్ని కలవరపెడతాయి. అసలు సింధు ఎవరు.. ఆమె చుట్టూ ఉన్న రహస్యాలేమిటి అనేది మిగతా కథ. శ్యామ్ సీఎస్‌ ఈ చిత్రానికి సంగీతం అందించాడు.
