- ప్రత్యేకంగా వ్యాక్ ఈక్విటీ గ్లోబల్ హెల్త్ అనే సంస్థ ఏర్పాటు
- ఈ నెల 15 నుంచి 300 మందిపై ఫస్ట్ ట్రయల్స్
- తర్వాత మరో 6 వేల మందిపై సెకండ్ఫేజ్
లండన్: చాలా కంపెనీలు, యూనివర్సిటీలు కరోనా వ్యాక్సిన్ వేటలో పడ్డాయి. అందులో కొన్ని క్లినికల్ ట్రయల్స్ దశకూ వచ్చేశాయి. దానిని ప్రజలకు కమర్షియల్గా అందించేందుకు చాలా వర్సిటీలు, సంస్థలు పెద్ద పెద్ద కంపెనీలతో ఒప్పందాలు పెట్టుకున్నాయి. కానీ, ఇంపీరియల్ కాలేజ్ ఆఫ్ లండన్ మాత్రం ‘మా వ్యాక్సిన్ పేదల కోసం’ అంటోంది. సెల్ఫ్ ఆంప్లిఫయింగ్ ఆర్ఎన్ఏ టెక్నాలజీతో తయారు చేస్తున్న ఈ వ్యాక్సిన్ను ప్రపంచంలోని పేదలకు పంచుతామని చెప్పింది. అందుకు ఏ కంపెనీతోనూ ఒప్పందం చేసుకోకుండా సొంతంగా సోషల్ కంపెనీని పెట్టింది. హాంకాంగ్లోని మార్నింగ్సైడ్ వెంచర్స్తో కలిసి వ్యాక్ఈక్విటీ గ్లోబల్ హెల్త్ (వీజీహెచ్)ను ఏర్పాటు చేసింది. ‘‘ప్రస్తుతం మా దృష్టంతా కరోనా నుంచి ఎట్లా బయటపడాలన్నదానిపైనే. డబ్బు సంపాదన గురించి మేం ఆలోచించట్లేదు’’ అని వీజీహెచ్ డైరెక్టర్ సైమన్ హెప్వర్త్ చెప్పారు.
ఎందాకొచ్చింది?
ఇంపీరియల్ కాలేజ్ తయారు చేస్తున్న ఈ వ్యాక్సిన్.. కరోనా వైరస్ స్పైక్ ప్రొటీన్ను గుర్తించేలా కండర కణాలకు జెనెటిక్ ఇన్స్ట్రక్షన్స్ ఇస్తుందట. దీంతో శరీరంలోకి వైరస్ ఎంటరైన వెంటనే ఇమ్యూనిటీ పనిచేసి వైరస్ను చంపేసే యాంటీ బాడీలను పుట్టిస్తుందట. ప్రస్తుతం ఇది తయారీ దశలోనే ఉంది. జూన్15న 300 మందిపై ఫేజ్1 ట్రయల్స్ ప్రారంభం కాబోతున్నాయి. అక్టోబర్లో 6 వేల మందిపై ట్రయల్స్ చేయనున్నారు. వ్యాక్సిన్ సక్సెస్ అయితే ముందుగా బ్రిటన్లోని పేదలకు వ్యాక్సిన్ను అందిస్తామని వీజీహెచ్ చెబుతోంది. తర్వాత వచ్చే ఏడాది ప్రారంభంలో ప్రపంచ దేశాలకు అందిస్తామంటోంది. కాగా, చైనాలో ఈ ఏడాది చివరి నాటికి వ్యాక్సిన్ అందుబాటులోకి వస్తుందని ఆ దేశ ప్రముఖ రెస్పిరేటరీ ఎక్స్పర్ట్ డాక్టర్ ఝోంగ్ నాన్షన్ చెప్పారు. ఎమర్జెన్సీ అయితే చలికాలం ప్రారంభంలోనే దానిని విడుదల చేస్తామన్నారు.
కేన్సర్ టూల్స్తో కొత్త స్పాట్లు
కరోనా వైరస్ను చంపేసే వ్యాక్సిన్ కోసం కేన్సర్ను గుర్తించే టూల్స్ను వాడుకుని ఆ వైరస్లోని ముఖ్యమైన స్పాట్లను గుర్తించింది అమెరికాలోని చిల్డ్రెన్స్ హాస్పిటల్ ఆఫ్ ఫిలడెల్ఫియా (చాప్). కేన్సర్ కణాలపై పోరాడేందుకు ఇమ్యూన్రెస్పాన్స్ను యాక్టివేట్ చేసేందుకు వాడే టూల్స్నే కరోనా వైరస్పై పోరాడేందుకూ వాడుతున్నామని చాప్ నిపుణులు చెబుతున్నారు. ‘‘చాలా విషయాల్లో కేన్సర్ లాగానే కరోనా వైరస్ కూడా బిహేవ్ చేస్తోంది. కాబట్టి చిన్నపిల్లల్లో కేన్సర్ను గుర్తించేందుకు తయారు చేసిన టూల్స్తోనే కరోనా వైరస్ను టార్గెట్ చేసేందుకు అందులోని కరెక్ట్ ప్రొటీన్ సీక్వెన్స్లను గుర్తించాం’’ అని చాప్ పీడియాట్రిక్ ఆంకాలజిస్ట్ జాన్ ఎం మారిస్ చెప్పారు.