- షాపు నిర్వహకులపై రూ.1,06,000 ఫైన్
ఖమ్మం టౌన్, వెలుగు : సింగిల్ యూజ్ ప్లాస్టిక్ వినియోగిస్తున్న, విక్రయిస్తున్న షాపుల్లో కేంఎంసీ అధికారులు శుక్రవారం ప్రత్యేక తనిఖీలు నిర్వహించారు. సింగిల్ యూజ్ ప్లాస్టిక్‌ను ఉపయోగిస్తున్న, వ్యాపార సంస్థలకు, ట్రేడ్ లైసెన్స్ లేకుండా వ్యాపారం నిర్వహిస్తున్న షాపుల యజమానులకు భారీ జరిమానాలు విధించారు.
సిటీలోని గాంధీ చౌక్, జడ్పీ సెంటర్ పరిసర ప్రాంతాల్లో నిర్వహించిన తనిఖీలో మొత్తం రూ.1,06,000 ఫైన్ వేశారు. 50 కిలోల కంటే ఎక్కువ సింగిల్ యూజ్ ప్లాస్టిక్‌ను సీజ్ చేశారు. సింగిల్ యూజ్ ప్లాస్టిక్ వినియోగంతో కలిగే అనార్థాలను వివరించారు. కార్యక్రమంలో శానిటరీ సూపర్వైజర్ సాంబయ్య, శానిటరీ ఇన్స్పెక్టర్ ఎన్విరాన్మెంట్ ఇంజినీర్, శానిటరీ జవాన్లు పాల్గొన్నారు.
