దేశ విదేశాల్లో సంచరించాలని, పర్యటించాలనుకునే ఇండియన్ ప్యాసెంజర్స్.. అడ్వెంచరస్, కల్చరల్, బ్యూటీ వంటి వాటిని ఎంజాయ్ చేయాలని కోరుకుంటారు. అవన్నీ కూడా బడ్జెట్ ఫ్రెండ్లీలో ఆఫర్ వస్తే.. ఇంకేముంది.. ప్రయాణానికి ప్లాన్ రెడీ చేసుకోవడమే తరువాయి. అయితే ఈ తరహా ప్రయాణికుల అభిరుచులను గుర్తించిన ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC).. సరసమైన అంతర్జాతీయ టూర్ ప్యాకేజీలను చేర్చడానికి తన సేవలను విస్తరించింది.
Also Read : హైదరాబాద్ కాంగ్రెస్ పార్టీలో నేతల మధ్య టికెట్లు, వర్గ పోరు
థాయిలాండ్, నేపాల్ పర్యటనలు ఇప్పటికే సాగుతుండగా.. ఈ ఆకర్షణీయమైన గమ్యస్థానాలను అన్వేషించే అవకాశాన్ని ప్రయాణికులకు అందించేందుకు ఇండియన్ రైల్వే ఇప్పుడు ముందుకొచ్చింది. ఈ టూర్ ప్యాకేజీల బుకింగ్‌లు ఇప్పటికే ప్రారంభమయ్యాయి.
5-రోజుల థాయిలాండ్ ప్యాకేజీ
థాయిలాండ్ ప్యాకేజీ అనేది పట్టాయా, బ్యాంకాక్‌లను కవర్ చేస్తూ సాగే 5 రోజుల ప్రయాణం. దీని ధర రూ.58వేల 9వందల(ఒక్కరికి). IRCTC ముఖ్యంగా, స్వాతంత్ర్య దినోత్సవంగా సందర్భంగా ప్రత్యేక థాయ్లాండ్ పర్యటనను ప్రవేశపెట్టింది, విదేశాలలో ఒక ప్రత్యేకమైన వేడుకను నిర్వహిస్తుంది.
నేపాల్ టూర్ ప్యాకేజీ
నేపాల్ టూర్ ప్యాకేజీలో పశుపతినాథ్ ఆలయం, బౌద్ధనాథ్ స్థూపం, మరిన్ని ఐకానిక్ సైట్‌ల సందర్శనలు ఉన్నాయి. ప్రయాణికులు నేపాల్ సంస్కృతి, చరిత్రను తెలుసుకుని ఎంజాయ్ చేసేందుకు వీలు కల్పిస్తుంది. దీని ధర రూ.44వేల 8వందలు (ప్రతి వ్యక్తికి తిరిగి వచ్చే విమాన ఛార్జీలు అన్నీ కలిపి).
"ఇతర అంతర్జాతీయ గమ్యస్థానాలను చూసే వారి కోసం, IRCTC ప్రస్తుతం దుబాయ్, మలేషియా, సింగపూర్‌లకు ప్యాకేజీలను ఖరారు చేసే ప్రక్రియలో ఉంది. ఈ గమ్యస్థానాలు ప్రకృతి సౌందర్యం, ఆధునిక అద్భుతాలు, థ్రిల్లింగ్ ఆకర్షణల సమ్మేళనాన్ని ఇనుమడింపజేయనున్నాయి" అని ఒక అధికారి తెలిపారు.
"అద్భుతమైన సహజ, కృత్రిమ అద్భుతాలకు ప్రసిద్ధి చెందిన దుబాయ్, ఎడారి సఫారీల నుంచి బుర్జ్ ఖలీఫా వరకు అనేక అనుభవాలను అందిస్తుంది" అని ఆయన అన్నారు, ఆగ్నేయాసియాలోని ద్వీప రాష్ట్రమైన సింగపూర్, అత్యాధునిక నిర్మాణ శైలి, ఆకర్షణల సమ్మేళనాన్ని కలిగి ఉంది. యూనివర్సల్ స్టూడియోస్, దీన్నొక ఆదర్శ అంతర్జాతీయ గమ్యస్థానంగా మారుస్తుంది.
"IRCTC భారతీయ పర్యాటకులకు అంతర్జాతీయ ప్రయాణాన్ని అందుబాటులోకి తీసుకురావడానికి, బడ్జెట్‌కు అనుకూలమైనదిగా చేయాలని లక్ష్యంగా పెట్టుకుంది. వారి రాబోయే అంతర్జాతీయ ప్యాకేజీలతో, ప్రయాణికులు తమ బడ్జెట్ గురించి చింతించకుండా ప్రపంచాన్ని అన్వేషించవచ్చు" అని IRCTC వెస్ట్ జోన్ ముంబై టూరిజం విభాగానికి అధిపతిగా ఉన్న అదనపు జనరల్ మేనేజర్ రాజీవ్ జైన్ అన్నారు. "టూర్ ప్యాకేజీలు IRCTC ఆఫర్లకు సంబంధించిన వివరాలకు కస్టమర్ సపోర్ట్ కోసం 8287931886 లేదా www.irctctourism.com అనే వెబ్‌సైట్‌ను సందర్శించి ప్యాకేజీలను పొందవచ్చు" అయన వివరించారు.
