జీశాట్ 31ను నింగికి చేర్చనున్న ఏరియన్ రాకెట్.. 6న ప్రయోగం
భారత అంతరిక్ష పరిశోధన సంస్థ (ఇస్రో) మరో ప్రయోగానికి సిద్ధమైంది. విదేశీ రాకెట్ తో స్వదేశీ ఉపగ్రహాన్ని నింగిలోకి పంపనుంది. ఫిబ్రవరి 6న ఫ్రెంచ్ గయానా నుంచి ఏరియన్ 5 (వీఏ247) రాకెట్ ద్వారా జీశాట్ 31 ఉపగ్రహాన్ని నింగిలోకి పంపుతామని ఇస్రో శుక్రవారం ప్రకటించింది. తెల్లవారుజామున 2.31 గంటలకు ప్రయోగం ఉంటుంది. జీశాట్ 31 బరువు 2,535 కిలోలు. గతంలో ఇస్రో ప్రయోగించిన ఇన్శాట్ /జీశాట్ కాల పరిమితి పూర్తి కావడంతో జీశాట్ 31 ప్రయోగాన్ని చేపడుతోంది. వీశాట్ నెట్ వర్క్, టీవీ అప్ లింకులు, డిజిటల్ శాటిలైట్ వార్తా సేకరణ, డీటీహెచ్ సేవలు, సెల్ఫోన్ కనెక్టివిటీ తదితర సేవలను జీశాట్ 31 అందిస్తుంది. దాదాపు 15 ఏళ్ల పాటు పనిచేసే ఈ ఉపగ్రహం.. అరేబియా సముద్రం, బంగాళాఖాతం, హిందూ మహాసముద్ర ఉపరితలాలపై సమాచార వ్యవస్థను మరింత పటిష్ఠం చేయనుంది. సౌదీ జియోస్టేషనరీ శాటిలైట్ 1/హెల్లా స్ శాట్ 4నూ నిం గిలోకి మోసుకెళ్లనుంది ఏరియన్ రాకెట్.
