- ఉరేసుకుని ఒకరు మృతి
జడ్చర్ల, వెలుగు: కొత్త ఇంటి నిర్మాణానికి చేసిన అప్పు తీర్చలేక, మద్యం మత్తులో ఒకరు సూసైడ్ చేసుకున్న ఘటన మహబూబ్ నగర్ జిల్లాలో జరిగింది. మిడ్జిల్మండలం దోనూరు గ్రామానికి చెందిన నెలకొంటి శ్రీను(34) భార్య కళావతి జడ్చర్ల తహసీల్దార్ ఆఫీసులో రికార్డు అసిస్టెంట్ గా చేస్తుంది. దంపతులు తమ పిల్లలతో కలిసి జడ్చర్ల టౌన్ లో రెంట్ కు ఉంటున్నారు. కాగా.. దోనూర్లో కొత్తగా ఇంటిని నిర్మించుకున్నారు. ఇందుకు శ్రీను అప్పు చేయగా, తీర్చలేక శుక్రవారం జడ్చర్ల టౌన్ నసరుల్లాబాద్ రోడ్డులో మద్యం మత్తులో చెట్టుకు ఉరేసుకుని చనిపోయాడు. మృతుడి భార్య కళావతి ఫిర్యాదుతో కేసు నమోదు చేసి దర్యాప్తు చేస్తునట్టు టౌన్ సీఐ కమలాకర్ తెలిపారు.
