పెగడపల్లి, వెలుగు : భూమి కొనుగోలు, అమ్మకం విషయంలో వివాదం తలెత్తడంతో జగిత్యాల జిల్లా పెగడపల్లి మండలం దోమలకుంటకు చెందిన ఇద్దరు రైతులు పురుగుల మందు తాగి ఆత్మహత్యాయత్నం చేశారు. ఒకరు పురుగుల మందు తాగి సెల్ఫీ వీడియో తీసుకుని గ్రామ వాట్సాప్ గ్రూపులో పోస్ట్ చేయగా, ఇది చూసిన మరొకరు కూడా పురుగుల మందు తాగడంతో కలకలం మొదలైంది. జగిత్యాల జిల్లా పెగడపల్లి మండలం దోమలకుంటలో మూడేండ్ల కింద మాజీ సర్పంచ్ మణెమ్మ భర్త బండారు శ్రీనివాస్కు చెందిన రెండెకరాలను తొట్ల కొమురయ్య కొన్నాడు.
దీనికి సంబంధించిన రిజిస్ట్రేషన్ కూడా పూర్తయ్యింది. ఈ భూమి పక్కనే శ్రీనివాస్కు చెందిన మరో 20 గుంటలు ఉండడంతో దాన్ని కూడా కొనేందుకు కొమురయ్య బయానా ఇచ్చాడు. ఇచ్చిన మాట ప్రకారం రిజిస్ట్రేషన్ చేయకపోవడంతో పెద్ద మనుషుల సమక్షంలో పంచాయితీ నిర్వహించారు. ఇది ఎటూ తెగలేదు. దీంతో శ్రీనివాస్భూమిని తిరిగి అతడికే రిజిస్ట్రేషన్ చేయాలని, కొమురయ్య డబ్బులు తిరిగివ్వాలని శ్రీనివాస్కు చెప్పారు.
దీనికి ఇద్దరూ ఒప్పుకున్నారు. కొమురయ్య ..శ్రీనివాస్ దగ్గర రెండెకరాలు కొన్నప్పుడు రూ.47 లక్షలు ఇచ్చాడని, వడ్డీతో కలిపి రూ.67 లక్షలు ఇవ్వాలని తీర్పు చెప్పారు. దీంతో శ్రీనివాస్....రూ.40 లక్షలు తిరిగిచ్చాడు. మరో రూ.27 లక్షలను ఇవ్వకుండా ఆలస్యం చేస్తుండడంతో, ఆ డబ్బులు ఇస్తేనే రిజిస్ట్రేషన్ చేస్తానని కొమురయ్య తేల్చిచెప్పాడు. ఈ వివాదం ఇలా కొనసాగుతుండగానే సోమవారం శ్రీనివాస్ తన పొలంలో పురుగుల మందు తాగుతూ సెల్ఫీ వీడియో తీసుకున్నాడు. దీన్ని గ్రామ వాట్సాప్ గ్రూపులో పోస్ట్ చేశాడు. ఇది చూసిన అతడి కుటుంబసభ్యులు వెంటనే దవాఖానకు తరలించారు. వీడియో వైరల్ కావడంతో కొమురయ్య కొడుకు శేఖర్తమను బద్నాం చేసేందుకే శ్రీనివాస్ఇలా చేస్తున్నాడని, తమకు న్యాయం చేయాలని ఇంటి దగ్గర సెల్ఫీ వీడియో తీసుకుంటూ పురుగుల మందు తాగాడు. ఇద్దరిని చికిత్స కోసం జగిత్యాల పట్టణంలోని ఓ ప్రైవేటు దవాఖానకు తరలించారు.
