ఈరోజు టాలీవుడ్ ప్రముఖ హీరో ఎన్టీఆర్ మరియు డైరెక్టర్ కొరటాల శివ కాంబినేషన్లో తెరకెక్కిన దేవర చిత్రం ట్రైలర్ విడుదలయ్యింది. కాగా మాస్ డైలాగ్స్ తో యాక్షన్ సీన్స్ తో ట్రైలర్ అదిరిపోయింది. ముఖ్యంగా ఎన్టీఆర్ డబుల్ యాక్షన్ సన్నివేశాలు, డైలాగ్స్, విలక్షణ నటుడు ప్రకాష్ రాజ్ వాయిస్ ఓవర్ , సైఫ్ అలీ ఖాన్ నెగిటివ్ షేడ్స్ యాక్టింగ్ ఇవన్నీ కూడా ట్రైలర్ కి హైలెట్ గా నిలిచాయని చెప్పవచ్చు.
అయితే ఈ ట్రైలర్ లో జాన్వీ కపూర్ సన్నివేశాల నిడివి తక్కువగా ఉన్నట్లు తెలుస్తోంది. కాగా ట్రైలర్ మొదలైన 90 సెకెన్ల తర్వాత జాన్వీకపూర్ ఎంట్రీ ఇచ్చింది. అయితే కేవలం ఒకట్రెండు డైలాగులు చెప్పి తళుక్కున మెరిసి ఇలా వచ్చి అలా వెళ్ళింది. దీంతో దేవర ట్రైలర్ చుసిన జాన్వీ కపూర్ అభిమానులు కొంతమేర నిరాశకి గురైనట్లు తెలుస్తోంది.
మరికొందరు మాత్రం స్టార్ హీరోలు మరియు మల్టీస్టారర్ చిత్రాలలో హీరోయిన్ల పాత్రకి కొంతమేర తక్కువ స్కోప్ ఉంటుందని అందుకే ట్రైలర్ లో జాన్వీ కపూర్ సన్నివేశాల నిడివి తక్కువగా ఉంటుందని అంటున్నారు.
ఈ విషయం ఇలా ఉండగా దేవర చిత్రం మొదటి పార్ట్ ఈ నెల 27వ తారీఖున విడుదల కాబోతోంది.
