టాలీవుడ్ నటుడు సధీర్ బాబు ( Sudheer Babu ), బాలీవుడ్ నటి సోనాక్షి సిన్హా ( Sonakshi Sinha ) నటించిన పౌరాణిక, అతీంద్రియ కథా చిత్రం ' జటాధర ' ( Jatadhara ). ఈ సినిమాకు సంబంధించిన లేటెస్ట్ అప్డేట్ ను మూవీ మేకర్స్ అందించారు. ఎప్పటి నుంచో అభిమానులు ఎదురుచూస్తున్న ఈ మూవీ టీజర్ ను రిలీజ్ చేశారు. ఈ సినిమాతో సోనాక్షి టాలీవుడ్ లోకి అడుగుపెట్టింది. ఒక శక్తివంతమైన, విలక్షణమైన పాత్రలో ఆమె కనించబోతోంది.
అత్యాశకు , త్యాగానికి మధ్య జరిగే సంఘర్షణే ప్రధాన ఇతివృత్తంగా ఈ "జటాధర" చిత్రాన్ని రూపొందిస్తున్నారు. ఈ టీజర్ తో సినిమాపై అంచనాలు పెంచేస్తోంది. అద్భుతమైన విజువల్స్ తో ఆకట్టుకుంటుంది. సోనాక్షి సిన్హా పాత్రను పరిచయం చేసే సన్నివేశం అత్యంత ఆసక్తికరంగా ఉంది . ఒక గుహ లోపల ఉన్న ఒక గదిలోకి వెళ్తున్నట్లు చూపించిన విజువల్స్ ప్రేక్షకులను థ్రిల్ చేస్తాయి. ఈ చిత్రంలో ఆమె పాత్ర శక్తివంతంగా, అదే సమయంలో భయంకరంగా కనిపిస్తుంది.
ALSO READ : 'SSMB29' అప్డేట్ వస్తుందా?
సుధీర్ బాబు పరిచయం మరింత ఆసక్తికరంగా ఉంది. వేద మంత్రాలు, శక్తివంతమైన బ్యాక్‌గ్రౌండ్ స్కోర్‌తో ఆయన పాత్రను ఈ టీజర్ లో చూపించారు. సుధీర్ బాబు త్యాగం, ధర్మం నుంచి పుట్టిన ఒక శక్తిగా కనిపిస్తాడు. అత్యాశకు ప్రతీక అయిన సోనాక్షి పాత్రతో పోరాడే ఏకైక శక్తిగా ఆయన ఉంటాడని తెలుస్తోంది.
ఈ సినిమా టీజర్ లో చూపించిన విజువల్ ఎఫెక్ట్స్ ప్రేక్షకులను విస్మయానికి గురిచేస్తున్నాయి. అద్భుతమైన విజువల్స్, టీజర్‌లో కనిపించే హై-ఎండ్ VFX చూస్తే, ఈ సినిమా భారతీయ సినిమాలో కొత్త ప్రమాణాలను సృష్టిస్తుందని అభిమానులు అభిప్రాయపడుతున్నారు. తెలుగుతో పాటు ఇతర భాషలలో కూడా ఈ చిత్రం విడుదల కానుంది. జీ స్టూడియోస్, ప్రేరణా వి అరోరా ఈ చిత్రాన్ని నిర్మిస్తున్నారు. వెంకట్ కళ్యాణ్ , అభిషేక్ జైస్వాల్ లు దర్శకత్వం వహించారు. త్వరలోనే సినిమా విడుదల తేదీని ప్రకటించే అవకాశం ఉంది. తెలుగు ప్రేక్షకుల అంచనాలను ఈ సినిమా ఏ మేరకు చేరుకుంటుందో వేచి చూడాలి.
