ఆర్మూర్, వెలుగు: పదేళ్లలో ఆర్మూర్ నియో జకవర్గాన్ని అన్నిరంగాల్లో అభివృద్ధి చేశానని ఎమ్మెల్యే, బీఆర్ఎస్ అభ్యర్థి ఆశన్న గారి జీవన్ రెడ్డి అన్నారు. శుక్రవారం రాత్రి ఆర్మూర్ మండలం చేపూర్ గ్రామంలో ప్రజా ఆశీర్వాద యాత్రలో భాగంగా ప్రచారం నిర్వహించారు. ఈ సందర్భంగా మాట్లాడుతూ అన్నివర్గాల ప్రజలకు సంక్షేమ పథకాలను అందించిన ఘనత సీఎం కేసీఆర్ కే దక్కిందన్నారు. ఆశీర్వదించి మళ్లీ గెలిపిస్తే మూడోసారి ఎమ్మెల్యే అవుతానానని పేర్కొన్నారు. ఆయన వెంట సర్పంచ్ ఇందూర్ సాయన్న, నాయకులు రాజేశ్వర్, జన్నెపల్లి గంగాధర్ తదితరులు పాల్గొన్నారు.
