- నయారా బంకుల్లో గరిష్టంగా 200 లీటర్లు
న్యూఢిల్లీ: సరఫరాపై ఒత్తిడి పెరగడంతో జియో–-బీపీ, నయారా ఎనర్జీ సంస్థలు డీజిల్ అమ్మకాలకు పరిమితులు విధించాయి. జియో–-బీపీ బంకుల్లో ఒక కస్టమర్కు రోజుకు 50 లీటర్లు, నయారా బంకులలో 70–200 లీటర్ల వరకు పరిమితి విధించారు. ప్రభుత్వ రంగ సంస్థలు ఐఓసీ, బీపీసీఎల్, హెచ్పీసీఎల్ కూడా ఇదేబాట పట్టే అవకాశం ఉంది.
రిటైల్ ధరలు తక్కువగా ఉండటంతో పారిశ్రామిక వినియోగదారులు కూడా సాధారణ బంకుల్లో డీజిల్ కొనడంతో కంపెనీలు ఈ నిర్ణయం తీసుకున్నాయి. రిటైల్ డీజిల్, బల్క్ డీజిల్ మధ్య రూ.40 వరకు ధర తేడా ఉంది. ఫ్యాక్టరీలు, టెలికాం కంపెనీలు, హోటళ్లు, ఆసుపత్రులు వంటి బల్క్ కస్టమర్లు భారీగా కొంటుండంతో ఇబ్బందులు వస్తున్నాయి.
